Rekordet botërore për vrasjet në Modern Warfare: Warzone

Që prej lançimit të Warzone kemi pasur shumë rekorde të reja në ketë lojë

Që në daljen e parë të këtij mode në Call of Duty: Modern Warfare, Warzone ka patur shumë popullaritet dhe si çdo lojë tjetër edhe kjo lojë ka rekordet e veta. Shumë persona kanë arritur të thyejnë rekorde të ndryshme në lidhje me numrin e vrasjeve të kryera gjatë lojës. Shumë prej këtyre lojtarëve kanë arritur të kapin numra të larta vrasjesh saqë ndonjëherë të duket e pamundur.

Siç dihet, për të arritur ose thyer një rekord duhen ndjekur disa rregulla. Së pari duhet të keni të regjistruar në formën video të gjithë ndeshjen. Nëse ndesheni kundër lojtarëve më të dobët ose siç quhet ndryshme smurf do të eliminoheni. Në video duhet të tregoni të dhënat e secilit prej lojtarëve. Çdo rekord do të quhet vetëm nëse nuk është zhvilluar në event mode dhe nëse dy skuadra kanë arritur të njëjtin rekord, skuadra e cila e ka arritur e para do t’i quhet rekordi.

Rekordi botëror për Warzone Trios me më shumë vrasje në total mbahet nga “Metaphor”, “Frozone”, “Pieman” të cilët shënuan 102 vrasje, ku secili shënoi 42 vrasje, 32 vrasje dhe 28 vrasje respektivisht. Dy nga këta lojtarë ishin gjithashtu pjesë e rekordin e kaluar gjatë një ndeshje më 11 qershor me 93 vrasje në total. Secili nga lojtarët e kësaj skuadre arriti të kryente mbi 10,000 damage.

Rekordi botëror për Solo vs Duos Warzone u vendos nga FaZe Bloo më 18 qershor me 40 vrasje. Por ky rekord nuk zgjati shumë pasi lojtari i PS4 bizzlzkrage arriti të kapte rekordin 45 vrasje në solo vs duos. Duke përdorur kombinimin MP5 dhe KILO ai arriti të thyente këtë rekord. Kurse për sa i përket Solo vs Trios, rekordi për më shumë vrasje solo në trios mode mbahet nga streamer dhe Youtuber Recrent gjatë një ndeshje të zhvillua më 10 korrik. Ai arriti të vriste 58 lojtarë të tjerë duke përdorur kombinimin Kar98k dhe Akimbo X16 gjatë pjesës më të madhe të kohës.

Rekordi botëror për Solo vs Quads mund të jetë sfida më e vështirë për lojtarët e Warzone por Stikinson ia doli më sukses duke arritur 57 vrasje në Verdansk më 15 shtator. Streamer rus arriti të sillte emocione për shikuesit e tij dhe të jepte një gameplay fantastik duke vrarë më shumë se 30% të lobby. Kurse në Duos rekordin e parë e vendosi dyshja e Befra dhe Thee Beast me 68 vrasje në një ndeshje. Por disa ditë më vonë ky rekord ndryshoi. ItsDerekMay dhe LIAM arriti të vendoste një rekord të ri më 14 korrik. Dyshja arriti të siguronte 76 vrasje duke eksploruar çdo cep të hartës.

Rekordi Duos vs Trios u vendos nga Reedr dhe UnRationaL të cilët arritën 75 vrasje dhe 23,000 damage në total.  Por UnRationaL vendosi të thyej edhe një rekord tjetër i cili është Duos vs Quads(150). Bashkë me Stukawaki ata eliminuan 85 lojtarë në një ndeshje të vetëm. Stukawaki arriti të kryente 50 vrasje dhe 17,000 damage duke bërë punën më të madhe. UnRationaL kreu 35 vrasje dhe 13,000 damage. Të dy ata arritën të thyenin rekordin e kaluar i cili mbahej nga RiasLive dhe FragLive të cilët kishin një total prej 79 eliminimesh.

UnRationaL ka vendosur të jetë përsëri pjesë e një rekordi dhe kësaj here në Trios vs Quads(150). Kësaj here bashkë me lojtarin profesionist Blazt dhe Stukawaki, ata arritën të vrisnin 104 lojtarë nga 150 lojtarë në total. Me pak fjalë mund të themi që ata kanë eliminuar pothuajse 70% të lobby.

Rekordi i Trios vs Quads(200) është marrë nga Aydan, FaZe Swagg dhe NICKMERCS. Gjatë ndeshjes së zhvilluar më 5 korrik ata arritën 108 vrasje ku Aydan arriti 51 vrasje, Swagg 38 dhe NICKMERCS 19. Dhe rekordi i fundit i cili është Quads (150) u rrëmbye nga ylli i Warzone, Vikkstar bashkë me Cellium, Abezy dhe Priestah. Kjo skuadër arriti të kapte 138 vrasje në total duke eliminuar pothuajse të gjithë lobby gjatë ndeshjes së zhvilluar më 23 maj. Rekordi i parë i vendosur u realizua nga Teep, Symfuhny, DougisRaw dhe Huskerrs të cilët arritën 121 eliminime disa ditë para se ky rekord të thyej.