Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
FPS(frame-per-seconds) është një prej elementëve më të rëndësishëm që një lojë mund të ketë për të qenë e luajtshme dhe e kënaqshme për gamers. Por ndodh shpesh që të keni probleme me FPS dhe për të rritur FPS tuaj në lojëra sigurohuni që të përdorni këto metoda.
Ndryshoni Process Priority në Task Manager
Një ndër problemet që mund të keni është se në PC tuaj ndoshta po ekzekutohet një program që ka më shumë prioritet se loja juaj. Dhe ju mund ta rregulloni këtë gjë fare lehtë duke ndjekur hapat e mëposhtme:
- Klikoni me butonin e djathtë të mouse taskbar
- Zgjidhni Task Manager
- Klikoni “More details” nëse Task Manager nuk është plotësisht i hapur
- Klikoni me butonin e djathtë të mouse lojën që po luani(loja duhet të jetë e hapur)
- Klikoni Expand
- Klikoni me butonin e djathtë të mouse procesin e lojës dhe më pas klikoni “Go the details”
- Klikoni me butonin e djathtë të mouse përsëri procesion e lojës
- Ndryshoni “Set priority” në Realtime
Sigurohuni që loja është e hapur kur po kryeni këto hapa dhe sigurohuni të zgjidhni procesin e duhur.
Optimizoni lojën duke përdorur aplikacionet e Nvidia/AMD/Intel
Kartat grafike AMD dhe Nvidia ofrojnë një aplikacion të veçantë për të kryer personalizime ose optimizime në PC dhe ju mund ta përdorni këtë gjë për të rritur FPS teksa luani. Për lojtarët të cilët kanë një kartë grafike Nvidia, hapni GeForce Experience dhe zgjidhni lojën ose lojërat që doni të rrisni FPS.
Klikoni lojën që doni dhe më pas ikonën e ingranazhit afër butonit optimize. Kjo do t’iu shfaqë një tabelë ku mund të personalizoni resolution dhe ta optimizoni lojën. Këtu iu këshillojmë ta optimizoni lojën tuaj për performancë duke sakrifikuar kualitetin.
E njëjtë gjë mund të bëhet edhe me lojtarët që kanë karta grafike AMD. Por nuk mund të themi të njëjtën gjë për lojtarët që përdorin GPU të integruar Intel pasi shpesh herë aplikacioni për Intel nuk i ka këto veçori.
Mbyllni aplikacionet e panevojshme
Pa dijeninë tuaj ndodh që aplikacione të ndryshme të ekzekutohen dhe të ulin FPS teksa luani por gjithashtu edhe ulin performancën e PC ose laptopit tuaj. Për të mos ndodhur kjo gjë sigurohuni që t’i mbyllni këto aplikacione duke përdorur Task Manager. Thjesht sigurohuni të mos mbyllni ndonjë aplikacion të rëndësishëm.
