Lojtarët e battle royale PUBG në Tailandë nuk do të duhet ta paguajnë më faturën e hyrjes në PlayerUnknown Battlegrounds, pasi një version free to play i lojës është lançuar në një beta.
Ky version i lojës paraqet vetëm dy harta, Erangel dhe Miramar, me opsione për Solo, Duos dhe Squad modes. Edhe sistemet mbështetëse të lojës kanë ndryshuar, me suportim të sistemeve low-end dhe hapjen e saj edhe në vende si qendra interneti.
Loja mund të luhet në çfarëdo sistemi me këto parametra e lart: Core i3, 2.4GHz CPU, 4GB RAM, Intl HD Graphics 4000 dhe 4GB HDD.
PUBG Mobile ka qenë falas prej disa kohësh tashmë, ndaj një version free to play në parametra të ulëta në PC nuk është ndonjë çudi e madhe.
Korporata e PUBG Lite Team tha: “E kemi bërë lojën që të luhet edhe në pajisje me parametra të ulëta.” PUBG Lite është një produkt më vete nga PUBG në Steam.
Loja mendohet të gjendet edhe në rajone të tjera edhe pse deri tani është njoftuar publikisht vetëm për Tailandën. PUBG Lite ka shumë mundësi që të vijë së shpejti edhe në vendet perëndimore, por deri atëherë mund thjesht në ndiqni rrugën e shkurtër me VPN.