Thashethemet për Overwatch 2 nuk kanë fund.
Thashethemet për Overwatch 2 nuk kanë fund.
Thashethemet për ardhjen e Overwatch 2 janë rikthyer sërish. Është raportuar këtë rradhë se Blizzard po kërkon të bëjë nga një vazhdim për të gjitha seritë e lojërave të saj, përfshirë këtu një Diablo 4 të mundshëm.
Këto komente kanë ardhur nga një person i brendshëm në Blizzard Entertainment, në bisedim e sipër për suksesin masiv të World of Warcraft Classic që ka qenë live që në 26 gusht.
Gjithsesi kjo nuk është hera e parë që dëgjojmë fjalë për një zhvillim të mundshëm të Overwatch 2. Në qershor u raportua se loja do të kishte një vazhdim që do të përfshinte elemente PvE.
Ky raportim erdhi nga Jason Schreier, që për të qenë të sinqertë rrallherë e ka gabim. Ai tha se Blizzard kishte anulluar projektin StarCraft për të punuar me Overwatch 2.
Disa thashetheme të tjera për lojën e klasifikojnë Overwatch 2 si një update madhor për Overwatch, të ngjashëm me atë që Monster Hunter World: Iceborne është duke bërë për Capcom.
Sigurisht që derisa Blizzard të japë një konfirmim zyrtar askush nuk mund ta dijë se për çfarë është ose nuk është loja. Fundja ka shumë projekte videolojërash që nisen dhe në fund nuk dalin në dritë.
Nëse ka një që lojë që duhet me se sbën të dalë ajo duhet të jetë patjetër Diablo 4. Fansat kanë kaq vite që presin për një instalim tjetër të serisë dhe vërtet që durimin në këtë pikë e kanë me pikatore.
Thashethemet që kanë qarkulluar mbi Overwatch 2 e sugjerojnë ardhjen e saj së bashku me atë të Diablos, por deri më tani kemi vetëm fjalë të hedhura në ajër dhe asnjë të dhënë konkrete nga ana e zhvilluesve. Mbetet pra që të presim ://