Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rrugëtimi i Amazon drejt zhvillimit të lojërave, ka hasur një tjetër vështirësi. Loja e tyre MMO open-world fantazi, New World, ishte planifikuar që të lançohej në 25 gusht. Tani kjo është shtyrë për në pranverën e 2021, në mënyrë që kompania “të marrë kohë që t’i çojë gjërat në pikën ku duhen përpara lançimit të plotë.”
“Me afrimin e lançimit tonë në 25 gusht, kemi ekzaminuar të gjitha gjërat, përfshirë edhe mendimet nga audienca jonë Alpha dhe kemi dëgjuar çfarë ata donin ose jo,” është shprehur drejtori i studios Rich Lawrence në njoftimin e tyre.
“Duam të sigurohemi që lojtarët e dedikuar të kenë sa më shumë eksperienca teksa e luajnë lojën dhe eksplorojnë përmes Aeternum.”
Pra për ta sjellë këtë kontent që ju duhet për lojtarët, Amazon Game Studios do e shtyjnë lançimin e New World dhe periudhën beta të saj në pranverën e vitit të ardhshëm.
Ç’është e vërteta pritshmëritë nuk janë shumë të larta për MMO e Amazon, mbi të gjitha duke parë edhe sa dobët doli projekti i tyre i fundit, Crucible. Gjithsesi mbetet të presim dhe të shohim nëse Amazon do të mund t’ja dalë me këtë nismë.
