Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Cinematic-u i ri futet më në thellësi në marrëdhënien midis Yasuo dhe Yone
Lojtarët e League of Legends patën mundësi të shikonin dje më në thellësi marrëdhënien midis Yasuo dhe Yone. Riot publikoi cinematic-un “Kin of the Stained Blade” për eventin Spirit Blossom, duke konfirmuar se Yone do të jetë kampioni i ardhshëm që do të vijë në League of Legends.
Cinematic-u nis me Yone që kërkon të hakmerret ndaj Yasuo, duke i kërkuar atij të japë përgjigje për atë që ka bërë. Yasuo, i cili thuhej se kishte vrarë mjeshtrin e tij, nuk donte që të merrte pjesë në luftim, por u detyrua të vetëmbrohet duke vrarë vëllain e tij.
Cinematic më pas kthehet në të tashmen, me Yasuo që kërkon të flasë me shpirtra në një festival. Ai takon një njeri të moshuar, i cili i ofron Yasuos ta ndihmojë. Plaku e merr Yasuon pranë një lumi në pyll dhe i jep një pije që supozohet të krijojë një lidhje mes atij dhe botës së shpirtrave.
Plaku transformohet në një demon që simbolizon ndjenjën e fajit tek Yasuo që e ndalon të lëvizë më parë. Një njeri me shpatë i maskuar shfaqet dhe fillon të luftojë demonin. Yasuo përpiqet ta ndalojë atë, derisa kupton se njeriu me maskë është vëllai i tij.
Të dy ata bashkohen dhe arrijnë të vrasin demonin. Yasuo pranon fatin e tij dhe i kërkon Yone të hakmerret, por Yone refuzon ta vrasë atë dhe largohet me erën. Yasuo më pas niset me anije për në Bilgewater, ku takon Ahrin që gjithashtu po ndjek një rrugë të ngjashme me të.
