Zbulohet një emër i ri kampioni në League of Legends

Në file-t e PBE është zbuluar Samira

Diçka e çuditshme ka ardhur në Patch 10.16 të League of Legends në PBE. Një emote i ri është shfaqur, i cili nuk dihet se ç’kuptim ka dhe mesa duket ka lidhje me një personazh ose diçka misterioze të quajtur Samira.

Ikona duket si një trëndafil abstrakt me një S të argjendtë të shndritshme në mes. Nuk dihet se çfarë kuptimi ka ky emte, por mesa duket ai ka lidhje me disa file easter egg, të cilat i referohen objekteve si “energy ray“, “rose”, “petals”, “flames”, “shimmer”, të cilat gjithashtu janë të lidhura drejtpërdrejt me Samira.

Edhe pse është shumë herët dhe informacionet janë shumë të pakta, ekziston mundësia që të kemi zbuluar emrin e kampionit më të ri të League of Legends. Në Champion Roadmap-in e fundit, Riot tha se do të vijë në lojë një jungler i ri dhe një assassin me maskë, të cilët u zbuluan se ishin Lillia dhe Yone. Gjithashtu, më vonë gjatë këtij viti pritet të vijë edhe një marksman i ri.

Riot gjithashtu tha se po zhvillon edhe dy kampiona të tjerë, një mage sensacional dhe një support tank shumë të rëndë, për të cilët do të flasin më vonë.

Nuk dihet fare se si këto easter eggs mund të lidhen me Samira dhe kampionët e ardhshëm të lojës, por duhet të kemi parasysh se shenjat e para të Yone ishin disa voice files të skin-it të ri të Thresh, prandaj me shumë mundësi në të ardhmen do të kemi më shumë informacion edhe rreth Samira.