Runes e spells të papërdorura do bëhen buff në Patch 10.12 të LoL

Riot Games ka si qëllim të rrisë diversitetin në lojë

Riot Games ka si qëllim të bëjë buff disa prej summoner spells dhe runes më pak të përdorura në Patch 10.12 të League of Legends. Mark “Scruffy” Yetter ka publikuar listën e ndryshimeve që pritet të vijnë.

Dy runes që do të bëhen buff janë Guardian dhe Predator, të cilat nuk përdoren shumë në krahasim me runes të tjera të të njëjtës kategori. Guardian do të ketë një rreze shumë më të madhe dhe tani do të bëjë proc vetëm kur lojtari të marrë një burst me damage, jo vetëm pak damage. Kjo do i ndihmojë shumë supports që e përdorin këtë rune në bot lane.

Ndërkohë, Predator do të marrë një mini rework. Channel-i i gjatë në fillim do të hiqet, ndërkohë që cooldown-i dhe damage do të ulen. Qëllimi është që të mbetet një rune i fortë për junglers, por të përdoret edhe nga top laners dhe supports.

Përsa i përket runes të tjerë, Unflinching do të japë 10% tenacity gjatë gjithë kohë, i cili shkon në 30% kur lojtari nuk ka shumë jetë. Qëllimi është që ky rune të jetë aktiv gjatë gjithë kohës dhe të mos detyrojë lojtarët të përdorin summoner spells për të përfituar prej tij. Approach Velocity ndërkohë nuk do të japë më bonus movement speed drejt shokëve të ekipit.

Një summoner spell që do të bëhet buff është Ghost, i cili nuk përdoret prej shumë kohësh. Me shumë mundësi, Riot ka në plan të ulë ose të heqë kohën që duhet për të arritur shpejtësinë maksimale.

Këto buffs duhet t’i japin lojtarëve më shumë opsione kur zgjedhin runes që duan. Megjithatë, zhvilluesit duhet të kenë kujdes me buffs për Ghost dhe Predator. Ka patur raste që Ghost qe aq i fortë sa zgjidhej në vend të flash. Ndërkohë, Predator është mjaft i fortë momentalisht dhe ky buff do ta bënte atë edhe më të fortë. Gjithsesi, ka ende shumë kohë përpara se këto ndryshime të vijnë në lojë.