Last Oasis është një survival MMO e vendosur shumë shumë vite pas një apokalipsi ku njerëzit e mbetur rrezikoheshin nga dielli përvëlues. Kjo është edhe arsyeja pse tani të gjithë jetojnë në makineri të çuditshme dhe bredhin rretheqark me këmbë mekanike.
Zhvilluesi Donkey Crew e njoftoi Last Oasis në janar, duke lënë një përshtypje mjaft të mirë me grafikat e trailer-it. Sidoqoftë trailer-i i ri ka më shumë zënka dhe shpërthime si edhe mosmarrëveshje brenda lojtarëve në lojë. Gjithsesi Last Oasis nuk është vetëm luftë.
Lojtarët duhet të bashkohen me njëri-tjetrin për të krijuar këto makineri gjigande, ku shumicën e materialeve duhet ta gjejnë vetë. Mund ta shmangni luftën dhe të përpiqeni t’ja dilni si tregëtar, ose mund të bëheni një pirat që sulmon nomadët e tjerë. Njëlloj si me EVE Online, me kalimin e kohës mund të bëheni pjesë e një aleance që kontrollon një rajon dhe resurset e tij, që më vonë do ju duhet ta mbroni nga klane të tjera. Me pak fjalë lojë e lezetshme.
Last Oasis do të vijë në Early Access në 3 shtator. Ndërkohë mund të mrekulloheni me trailer-in më poshtë.