Half-Life: Alyx mund të luhet edhe pa një headset VR

Mesa duket, loja ka një mode jo-VR për zhvilluesit

Nëse dëshironi të luani Half-Life: Alyx pa patur nevojë për VR, Valve është i sigurt se do të ketë një mod për këtë gjë dhe mesa duket kjo siguri vjen te fakti se vetë zhvilluesit kanë futur në lojë një mode që lejon luajtjen e Half-Life: Alyx pa VR. Ai është problematik dhe ende nuk funksionon mirë, por gjithsesi ndodhet brenda në lojë.

Valve ka një debug mode për Alyx, e cila i lejon zhvilluesit të lëvizin në mjediset e lojës pa patur nevojë për një VR headset. Tani që loja është lançuar, dataminers kanë arritur të zbulojnë komandat e nevojshme për ta përdorur këtë mode në shtëpi.

Valve e ka hequr këtë mode nga loja, por ju gjithsesi keni mundësi të merrni versione më të vjetra të Half-Life: Alyx nëpërmjet Steam depot downloader. Ju mund ta shikoni se si ta bëni këtë gjë këtu si dhe të shikoni launch parametres që duhen përdorur këtu.

Tyler McVicker i Valve News Network luajti me këtë mode në stream-in e tij sot dhe zbuloi disa komanda që e bëjnë eksperiencën tuaj më të kompletuar.

Duket se loja mund të luhet deri diku në këtë mode, por elemente si Gravity Gloves nuk funksionojnë. Padyshim që nuk është mënyra e duhur për të luajtur Alyx, por duke njohur fansat e Half-Life, është e sigurt që dikush do të gjejë një mënyrë për ta bërë të mundur luajtjen e Alyx pa VR së shpejti.