Falë Fortnite, Steam po përballet me konkurentin e parë pas 15 vitesh

Valve nuk përdori kot termin Librari kur krijoi Steam. Funksioni i tij ishte blerja dhe luajtja e video-lojërave në PC. Steam ishte në krye të vëmendjes dhe praktikisht ishte vendi ku i gjithë koncepti i PC Gaming jetonte. Ai ishte një monopol.

Kjo ishte e vërtetë për një kohë të gjatë mes shumë përdoruesve të PC dhe Valve normalisht që mori përfitimet e saj nga kjo situatë. Kur publikuesit e lojërave hodhën idenë e shkëputjes së klientelës së tyre, me qëllim që Valve të mos merrte 30 % e saj, ideja se kjo mund të funksiononte dukej qesharake.

Sidoqoftë sfida të tilla nuk jehojnë fare krahasuar me këtë të sotmen: Epic Games do të lançojë dyqanin e tij të lojërave. Ky i fundit do të jetë i hapur ndaj të gjithë zhvilluesve të PC dhe do të ketë një politikë fitimesh më të arsyeshme. Epic do të marrë vetëm 12% të shitjeve. Me suksesin masiv të Fortnite, dyqani i Epic mund të ketë të gjitha mundësitë dhe fondet për të qenë një rival i denjë i Steam.

Kur e mendon a ia vlen të sakrifikosh 30 % të fitimeve të një loje kur ke aftësitë të ngresh sistemin tënd per ktë punë. Steam ka bërë gabimin e tij me Minecraft, League of Legends dhe Fortnite, duke humbur tre fenomene të PC gaming. Këto lojëra jan aq të mëdha sa mund të zhvillojnë platformat e tyre personale të shitjes.

Valve duket se nuk dëshiron ta humbasë këtë mundësi që ruan për momentin. Këtë javë ai njoftoi një ndryshim në ndarjen e të ardhurave të lojërave për në Steam. Pra nëse loja bën më shumë se 10 milion $ Valve do të marrë 5 % më pak nga 30 % që merrte normalisht prej fitimeve dhe nëse loja bën më shumë se 50 milion $ ata do të marrin 20 %. Prap në të dyja situatat nuk konkurohet dot me çfarë ofrohet në dyqanin e Epic.

“Ne shpresojmë se kjo vendimmarrje do të përfitojë zhvilluesit edhe komunitetin tonë të përbashkët,” u shpreh Valve.

Ky vendim nuk ka qenë shumë i preferuar mes publikut, duke u krahasuar shpesh me idenë e uljes së taksave për bizneset shumë fitimprurëse. Kjo e fundit justifikohet në ekonomi se nëse ulen taksat në bizneset e mëdha, do mund të sillen nxitje në investimet afatshkurtra të tij dhe përfitime mes shoqërisë në termat afatgjatë.

Për fatin e keq të Valve ndryshimet e kryera, prapë nuk ia kalojnë dot atyre që ofron Epic. Nëse një zhvillues gjendet në dilemën se te cila nga dy platformat është më e përshtatshmja zgjedhja është e thjeshtë. Në Steam ti merr përqindje më të ulëta nga çdo lojë dhe duhet të zbulohesh me mijëra të tjerave që ajo mbart, kurse në Epic ti merr më shumë fitime dhe qëndron në pozita më të veçanta krahasuar me të tjerët.

A do mund të ndryshojë qëndrimin e Valve ideja e një rivali të ardhshëm? Për herë të parë në 15 vite pozicioni i Steam si i pari në PC Gaming po kërcënohet. Valve duhet të reagojë me patjetër dhe duhet ta bëjë shpejt.