Shumë heronj të Dota 2 janë bërë nerf në Aghanim’s Labyrinth

Game mode-i i kësaj vere morri disa ndryshime drastike

Vetëm dy ditë pas nisjes së eventit veror Aghanim’s Labyrinth në Dota 2, Valve ka sjellë një patch shumë të madh që ka bërë nerf shumë prej heronjve të lojës. Edhe pse lojtarët e kanë pëlqyer kryesisht eventin e verës deri më tani, Patch 7.27b në Dota 2 ka bërë nerf 100 prej 119 heronjve të lojës, si dhe pesë items. Lojtarët menjëherë kanë shkuar drejt subreddit-it të lojës për t’u ankuar dhe për të thënë që tani eventi i verës është bërë më i vështirë dhe më i bezdisshëm.

Me Aghanim’s Labyrinth që ka vetëm disa ditë që është lançuar, fansat nuk prisnin që kaq ndryshime kaq shpejt nga Valve. Shumë besojnë se ndryshimet kanë ardhur në mënyrë që lojtarët ta kenë më të vështirë për të bërë level up The International 10 Battle Pass, e cila tani për tani ka mbledhur thuajse $30,000,000 për prize pool-in e TI10.

Kjo gjithashtu mund të vijë si parapërgatitje për Aghanim’s Trials që nnisin javën tjetër, të cilat i japin lojtarëve 2 orë kohë për të kaluar një Labyrinth të gjeneruar rastësisht sa më shpejtë, me kohët e tyre që vendosen në një leaderboard global.

Jake “SirActionSlacks” Kanner u çudit që Valve kishte vendosur të sillte kaq ndryshime drastike për heronjtë e lojës gjatë eventit, madje ai gjithashtu shtroi pyetjen se pse Valve po bënte nerf heronjtë në një mode që varet shumë në RNG.

Gjithsesi, këto ndryshime të shumta për thuajse të gjithë heronjtë e lojës padyshim që kanë mërzitur shumë prej lojtarëve të lojës, të cilët prisnin një event pak më ndryshe por që tani është bërë një mode mjaft më i vështirë për të gjithë.