Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Update-i i parë i madh i Doom Eternal u lançua para pak ditësh dhe në PC ky i fundit i solli lojës sistemin Denuvo anti-cheat. Jo për tu çuditur, por 24 orë më vonë loja ishte bombarduar me review negative në Steam, teksa lojtarët e acaruar shprehnin shqetësimet mbi kernel-mode driver që fuqizon Denuvo anti-cheat.
“Hiqeni këtë software që po përndjek lojën,” shkruan përdoruesi i Steam, Tiniest Conductor, për Doom Eternal. “Gameplay në vetëvete është qef, në të njejtin nivel me Doom 2016, gjithsesi nuk mund ta rekomandoj këtë lojë, për shkak të anti-cheat-it që ata kanë vendosur të shtojnë.”
Sipas postimit të Denuvo mbi këtë anti-cheat, kernel mode driver aktivizohet kur hapni Doom Eternal dhe mbyllet kur dilni nga loja. Denuvo gjithashtu thotë se loja është GDPR compliant, pra nuk merr informacione personale nga sistemi juaj, teksa është duke operuar. Në vend të kësaj ajo mbledh informacione në mënyrën se si OS ndërvepron me lojën dhe dërgon informacion në serverat e Amazon për të dalluar hiletë.
Prapëseprapë kjo mbetet një problem për lojtarët, mbi të gjitha kur merr parasysh situatën konfliktuale nga anti-cheat-i i përdorur në Valorant, pas të cilës shumë lojtarë kanë gjetur ngushëllim në konfirmimin se Denuvo nuk bën gjë me atë akses që ka.
Ky patch erdhi në 14 maj, dhe në 15 maj Doom Eternal kishte mbi 1200 review negative në Steam.
