Doom Eternal do të vijë në Xbox Game Pass për PC

Microsoft ka në plan të sjellë Doom Eternal në Xbox Game Pass për PC gjatë këtij fundviti

Pas blerjes së ZeniMax Media e cila përfshin shumë kompani të njohura në botën e gaming si Bethesda dhe id Software, Microsoft ka përgatitur plane për këto kompani. Bashkë me lajmin e blerjes së kompanisë, Microsoft bëri të ditur që një prej lojërave të Bethesda do të vijë në Xbox Game Pass në PC dhe konsole.

Dhe mesa duket loja që do të vijë e para është Doom Eternal. Microsoft ka konfirmuar se Doom Eternal do të vijë në Game Pass për konsola më 1 tetor por lojtarët në PC do të presin edhe pak. Thuhet se loja do të vij gjatë fundvitit dhe është bërë e ditur se DLC e re “The Ancient Gods” nuk do të jetë pjesë e Xbox Game Pass.

Doom i 2016 u largua nga Xbox Game Pass për konsola gjatë fillimit të këtij viti edhe pse asnjëhere nuk u shfaq në PC. Lojërat e Bethesda të cilat janë në Xbox Game Pass janë Fallout 76, Wolfenstein: Youngblood dhe Dishonored 2 dhe mesa duket më shumë do të vijë së shpejti. Ky njoftim vjen në formën e një “teaser” në formën e një email fals nga Xbox. Pas një kontrolli të plotë nga fansat, ata zbuluan një mesazh që tregonte që se “THE SLAYER IS COMING”.

Akoma nuk ka një lojë rreth lojërave si The Elder Scrolls 6 ose Starfield të cilat do të vijnë së shpejti nga Bethesda nuk janë konfirmuar si nga vetë kompania po ashtu edhe nga Microsoft. Besojmë se këto lojëra do të vijnë në Game Pass së shpejti por duke parë veprimet e fundit besojmë se është e sigurt që këto lojëra do të jenë pjesë e Game Pass.