Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjithsesi asnjë nga lojërat nuk ia kalon dot Monster Hunter: World.
Capcom e ka bërë PC-në një platformë primare për biznesin e tij dhe rezultatet duket se po dalin në sipërfaqe. Devil May Cry 5, që u lançua në 8 mars ka kaluar lojën Resident Evil 2 nga numri i concurrent players në Steam, duke e bërë lançimin e dytë më të mirë të Capcom në PC që pas Monster Hunter: World të vitit të shkuar.
Resident Evil 2 që u lançua në 25 janar, kapi 74,000 peak players në Steam. Devil May Cry 5 nga ana tjetër në më pak se 48 orë arriti 88,735.
Gjithsesi të dy lojërat mbeten shumë mbrapa kur krahasohen me shifrat e Monster Hunter: World, që kaloi 329,333 lojtarë pak kohë pas lançimit në gusht. Ka disa dallime të rëndësishme mes lojërave që duhen marrë parasysh kur i krahasojmë. Monster Hunter: World është një lojë co-op multiplayer , ndërsa Devil May Cry 5 dhe Resident Evil 2 janë kryesisht single-player. Gjithashtu versioni PC i Monster Hunter doli rreth tetë muaj pas edicionit të lojës në konsola.
Gjithsesi e rëndësishmja është që të gjitha lojërat e përmendura ja kanë dalë mirë. Siç tha dhe COO i Capcom muajin e kaluar, kompania është mjaft e dhënë pas platformës PC dhe duket se studioja i ka mëse të qarta këto prioritete.
