Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më 10 prill, Microsoft do të zhvillojë një ngjarje të veçantë për fansat e franchise-it Age of Empires.
Veçanërisht, lojërat që do të eksplorohen gjatë eventit dixhital janë Age of Empires II Definitive Edition, Age of Empires III Definitive Edition dhe natyrisht, ajo për të cilën të gjithë janë kurioz, Age of Empires IV. Shikoni trailer-in e eventit më poshtë.
Përveç një pamje të vogël e të shkurtër të së ardhmes së Relic për një nga franchise-et më të mëdha të strategjisë real-time të gjitha kohërave, ne me të vërtetë nuk dimë shumë për Age of Empires IV. Shpresojmë, që ky fan eventi i ardhshëm të zbulojë letrat për lojën e re. Disa gameplay të reja do të ishin të mrekullueshme për t’u parë dhe veçanërisht për të kuptuar mekanikat dhe tiparet e lojës.
Duke qenë se COVID-19 ka pezulluar ose ngadalësuar zhvillimin e lojërave në të gjithë botën, Age of Empires IV u njoftua në 2017 dhe që atëherë nuk kemi parë asnjë zbulim të ri në lidhje me të, por për të thënë të vërtetën një datë lëshimi do të ishte shumë e kënaqshme.
Përveç drejtimit të ri kryesor për serinë, ngjarja duket se do të ketë disa zbulime për tituj të vjetër që ende po luhen shumë sot falë edicioneve të tyre të rinovuara dhe të përmirësuara, duke përmendur: Age of Empires II Definitive Edition dhe Age of Empires III Definitive Edition. Po, këto lojëra ‘antike’ janë ende duke marrë përmbajtje të re, e cila është e çuditshme kur e mendoni. Sipas trailer-it, civilizime, fushata dhe gameplay i ri do të shfaqen, kështu që mund të presim për shumë informacione dhe zbulime nga eventi, megjithëse ende nuk e dimë saktësisht se çfarë do të shfaqet për secilin produkt.
Ngjarja fillon më 10 prill pasdite. A po prisni me padurim për kapitullin tjetër të Age of Empires? A luani akoma ndonjë nga lojërat e vjetra? Na tregoni në rrjetet sociale!
