Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Cyberpunk bëhet loja e parë single-player që arrin 1 milionë lojtarë në të njëjtën kohë dhe më shumë
Për një kohë të gjatë fansat e Cyberpunk 2077 e kanë pritur këtë lojë edhe pse u shty disa herë duke i acaruar ata. Mesa duket kjo gjë ka bërë që Cyberpunk 2077 të thyej disa rekorde që në ditën e parë të lançimit të saj duke ia kaluar edhe rekordeve të vendosura nga World of Warcraft: Shadowlands.
Gjatë këtij mëngjesi Cyberpunk 2077 arriti një numër prej 1,054,388 lojtarësh të cilët po e luanin lojën në të njëjtën kohë në Steam sipas SteamDB. Kjo gjë e bën Cyberpunk 2077 lojën e katërt që arrin një numër kaq të lartë lojtarësh. Por Cyberpunk arrin vendin e parë kur bëhet fjala për numrin më të lartë të lojtarëve që prej ditës së parë.
Ndoshta shumë prej jush do të thoni që PUBG është loja e parë që në ditën e parë arriti një numër prej 3,257,248 lojtarësh. Por kjo gjë ndodhi pas shumë muajsh në Early Access. Pra teknikisht Cyberpunk meriton vendin e parë si loja singleplayer me më shumë lojtarë aktiv në të njëjtën kohë gjatë ditës së parë të lançimit. Ky numër mund të jetë më i lartë pasi ky numër është i matur vetëm për përdoruesit e Steam teksa loja po shitet në konsole, Epic Store dhe GOG.
Gjithashtu loja ka arritur një numër tepër të madh pre-orders duke arritur afërsisht 8 milion ku 59% e tyre janë në PC(4.72 milion). Kjo gjë ka bërë që t’ia kalojë rekordit të World of Warcraft: Shadowlands që u vendos para me një numër prej 3.7 milion kopjesh të shitura.
