Cyberpunk 2077 është loja më e suksesshme në Steam por me disa probleme

Loja më e fundit e CD Projekt Red, Cyberpunk 2077, po haset me të tjera probleme

Cyberpunk 2077 ishte një lojërat më të shumëpritura e cila mblodhi shumë fansa dhe lançimi i saj ishte tepër i suksesshëm duke mbajtur vendin e parë si loja më e shitur këto kohë në Steam. Por Cyberpunk 2077 pati goxha probleme të cilat së fundmi po i nxjerrin probleme akoma edhe më të mëdha.

Që prej lançimit Cyberpunk 2077 pati një numër tepër të madh bugs, performancë të ulët dhe një numër tepër të lartë refund të cilat çuan deri në heqjen nga dyqani online i PlayStation. Por së fundmi një problem akoma më i madh po shfaqet.

Sipas një analize të kryer nga GytHyp, tregohet se numri i lojtarëve aktiv të Cyberpunk 2077 ka renë ndjeshëm duke çuar deri në humbje të 79% të lojtarëve në muajin e parë. Në krahasim me lojën e kaluar të CD Projekt Red, The Witcher 3, Cyberpunk 2077 ka humbur tre herë më shpejtë lojtarët e saj se The Witcher 3 të cilës iu deshën tre muaj për të humbur pothuajse të njëjtin numër lojtarësh që Cyberpunk 2077 ka humbur.

Edhe pse ky numër ka rënë goxha, përsëri loja ngelet me një numër tepër të përshtatshëm ku gjatë 48 orëve të kaluara ka patur afërsisht 159 mijë lojtarë në të njëjtën kohë duke ia kaluar edhe The Witcher 3 i cili numrin më të lartë e ka patur afërsisht 103 mijë lojtarë.

Pavarësisht problemeve të mëdha që ka patur me bugs dhe në performancë, Cyberpunk 2077 ka vazhduar të shitet shumë mirë në Steam. Që prej datës 22 nëntor deri më sot loja ka arritur të mbajë vendin e parë për afërsisht shtatë javë si loja më e shitur në Steam.

Gjithashtu loja ka arritur afërsisht 13 milion kopje të shitura sipas deklaratës së CD Projekt Red më 22 dhjetor. Ndryshime dhe përmirësime të tjera priten së shpejti gjatë këtij viti. Shpresojmë që gjithë këto probleme të zgjidhen sa më shpejt në mënyrë që ta shijojmë lojën rehat.