Patch-i i ri i CS:GO shton dy harta dhe ndryshon Decoy

Dy hartat e reja Mutiny dhe Swamp do të zëvendësojnë Chlorine dhe Jungle

Edhe pse lojtarët po shpresonin për një Operation të ri, patch-i i 23 korrikut në CS:GO nuk e ka sjellë atë, por ka sjellë gjëra të tjera. Në lojë kanë ardhur dy harta të reja për Official Matchmaking, Mutiny dhe Swamp, të cilat kanë zëvendësuar hartat Chlorine dhe Jungle. Ky patch gjithashtu ka sjellë ndryshime për granatat Decoy dhe gjithashtu për Trusted Mode.

Hartat e reja Mutiny dhe Swamp do të vijnë në lojë dhe mund të luhen në Casual, Deathmatch dhe Scrimmage, por jo në Competitive. Mutiny arriti në vendin e tretë në konkursin Mapcore Exotic Contest, i cili solli në lojë hartat Anubis dhe Chlorine, me këtë të fundit që do t’ia lejë vendin kësaj harte.

Mutiny është një hartë e përqëndruar në mid, me të gjitha kalimet për A dhe B dhe spawns që ndodhen shumë pranë mesit të hartës. Harta gjithashtu ka shumë hapësirë vertikale dhe high-ground e low-ground janë mjaft të rëndësishme.

Ndërkohë, harta Swamp ka një emër mjaft të përshtatshëm, pasi në të ka ujë dhe është një hartë mjaft e hapur dhe e sheshtë. Në këtë hartë, loijtarët duhet të lëvizin përmes ujit duke u zhytur e duke u fshehur.

Ndërkohë, Decoy janë ndryshuar dhe tani nuk mund t’i bëjnë më damage shokëve të ekipit, duke ndaluar griefers dhe trolls që të prishin lojërat.

Trusted Mode gjithashtu morri edhe një update, duke sjellë një opsion compatibility që lejon që third-party software të hapet pas hapjes së sistemit. Gjithashtu, launch options të Trusted Mode janë bërë reset.

Këtu mund të gjeni patch notes të plota.