CS:GO heq bots nga pjesa kompetitive e lojës

Update i fundit i Valve në CS:GO sjell një ndryshim të madh në lidhje me bots

Së fundmi Valve ka sjellë një update të ri për lojën e saj, Counter Strike: Global Offensive, i cili ka sjellë disa ndryshime të mëdha në lojë. Përveç ndryshimeve në lidhje me hartën ose në aspekte të tjera të lojës, zhvilluesit e lojës kanë sjellë një ndryshim tepër të madh në aspektin kompetitiv.

Na ka ndodhur shpesh që ne ose shokët tanë të skuadrës të shkëputen gjatë lojës dhe të na zëvendësoj një bot i cili mund të komandohej nga lojtarët e skuadrës tuaj për t’ua bërë lojën më të thjeshtë. Por update i fundit bën një ndryshim total të kësaj gjëje duke i hequr bots nga pjesa multiplayer në competitive mode dhe wingman mode.

Gjithashtu në patch notes e update shpjegohet se nëse një skuadër largohet nga ndeshja, ata do të zëvendësohen nga një bot i vetëm i cili do të qëndrojë në T ose CT spawn. Çdo lojtarë i cili do të hyjë në lojë do të ketë mundësinë të marrë kontrollin e këtij bot.

Shumë lojtarë të CS:GO dhe gjithashtu edhe YouTuber ose streamer kanë ngritur pyetjet e tyre në lidhje me ketë ndryshim. Një ndër ta ishte edhe YouTuber popullor i CS:GO, Anomaly, i cili u shpreh në Twitter dhe YouTube se do të preferonte që të shikonte disa ndryshme në lidhje me mënyrën se si bots funksionojnë, kontrollin mbi ta, hedhja e armës edhe më shumë sesa thjesht heqja e tyre.

Anomaly ndan një rast ku ai dhe Linda ishin duke luajtur CS:GO dhe të dy u shkëputen prej lojës për shkak të një problemi me internetin. Ata ia dolën që të riktheheshin përsëri në lojë dhe fatmirësisht skuadra e tyre nuk kishte performuar keq për shkak se ata kishin dy bots. Ai gjithashtu shton se nëse kjo do të kishte ndodhur pas update të ri, skuadra e tyre do t’i kishte humbur të gjitha ato raunde që ata kishin munguar.

Gjithashtu heqja e bots solli një reagim të madh si në Twitter po ashtu edhe në Reddit ku shumë fansa të lojës sollën disa nga momentet më të mira të bots ku ata kryen clutch ose vepronin në mënyrë tepër të çuditshme.

Nëse doni të dini më shumë rreth update të fundit klikoni këtu dhe nëse keni probleme me aim dhe crosshair, hidhini një sy crosshair më të mirë për CS:GO.