A po vjen cross-progression në Rainbow Six Siege?

Gjithçka çfarë ne dimë rreth cross-progression në Rainbow Six Siege

Rainbow Six Siege është bërë një prej lojërave më popullore që prej fillimeve të veta me më shumë se 60 milion lojtarë dhe e vlefshme në Xbox, Playstation dhe në PC. Një problem që lojtarët kanë hasur që prej fillimit është se kjo lojë ruan progres të ndarë në çdo platformë të saj.

Kjo do të thotë që nëse kaloni nga Xbox në Playstation në konsolat next gen ose ndryshoni platformë komplet duke kaluar nga konsolat në PC, do t’iu duhet të filloni gjithçka nga fillimi përsëri pavarësisht mundit që keni shpenzuar në ketë lojë. Ju s’do të keni asnjë prej operatorëve që keni patur, skins dhe kozmetika të ndryshme dhe do t’iu duhet ta nisni nga fillimi.

Por së fundmi lojtarët e R6S mendojnë se kjo gjë do të jetë e mundur pasi Ubisoft po punon shumë që disa nga lojërat e kësaj kompanie të kenë cross-progression dhe gjithashtu edhe cross-play. Rainbow Six Siege nuk ka asnjë prej këtyre dhe fansat shpresojnë që në të ardhme loja të ketë vecorinë cross-progression.

Nëse cross-progression do të vijë për ketë lojë atëherë lojtarët do të mund të ndryshojnë platformë pa patur problemin e humbjes së operatorëve, progresit, kosmetikat dhe skins. Por akoma nuk është publikuar ose zbuluar një plan i tillë nga ana e Ubisoft.

Lancimi i Ubisoft Connect do të sjellë cross-progression dhe cross-play midis disa prej lojërave të Ubisoft si Hyper Scape, Assassin’s Creed Valhalla, Immortals Fenyx Rising dhe Riders Republic. Gjithsesi do mbetet të presim datën 29 tetor ku Ubisoft Connect do të bëjë prezantimin e plotë dhe ndoshta të jap ndonjë njoftim në lidhje me këtë lojë.