Suksesi i Borderlands 3 nuk ka vazhduar për shumë kohë
Suksesi i Borderlands 3 nuk ka vazhduar për shumë kohë
Tashmë që RPG shooter-i i Gearbox Borderlands 3 ka rreth 2 javë që është lançuar, kemi një ide më të mirë se sa lojtarë e kanë provuar atë. Boderlands 3 pati një lançim shumë të madh, duke dyfishuar numrin e lojtarëve maksimalë të Borderlands 2 në PC dhe duke shitur më shumë se pesë milionë kopje në pesë ditë. Megjithatë, duket se shikueshmëria e Borderlands 3 në Twitch ka rënë me 93%.
Sipas faqeve të statistikave GitHyp, Borderlands 3 arriti në vendin e parë në platformën e streaming ditën e lançimit, duke arritur një numër maksimal prej 205 mijë shikuesish. Megjithatë, 2 javë më vonë, shifrat kanë rënë shumë, pasi loja ka mesatarisht 8.6 mijë shikues njëherësh, një rënie prej 93%.
Nuk ka ende asnjë shifër zyrtare për numrin e lojtarëve të Borderlands 3 nga Gearbox, prandaj nuk dihet nëse thjesht kanë rënë shikimet në Twitch ose numri i lojtarëve të Borderlands 3 vërtet ka rënë. GitHyp raporton se se ka spekulime se numri i lojtarëve në Epic Games Store mund të ketë qënë rreth 150,000-200,000, por asgjë nuk është konfirmuar.
Loja momentalisht mund të merret vetëm në Epic Games Store për lojtarët në PC, por pritet që ajo të vijë në Steam në prill të 2020 dhe shikueshmëria e saj në Twitch të rritet sërish.