Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pritjes i ka ardhur fundi
Blizzard Entertainment zbulo lojën e ardhshme të serisë Diablo, Diablo 4 në 1 nëntor, gjatë BlizzCon 2019.
Ekzistenca e një loje të re Diablo nuk është aspak surprizë, duke parë se ajo është bërë leak disa herë, një raport thoshte se ajo kishte kohë që ishte në zhvillim dhe madje është rikrijuar. Fillimisht, duket se Diablo 4 e rikthen serinë tek rrënjët e saj për sa i përket paraqitjes vizuale. Shpresat janë që Diablo 4 ta bëjë lojën më të errët, më të dhunshme dhe më të ligë, siç qe Diablo 2. Inspirimi ishin pikturat e vjetra mesjetare dhe trailer-i i treguar në BlizzCon kishte shumë gjak. Trailer-i gjithashtu tregonte Lilith, vajzën e Nephalem – pra versionin femër të Diablo.
Drejtori i lojës Luis Barriga u ngjit në skenë dhe tha se Sanctuary do të jetë kryesor. Do të gjeni lojtarë të tjerë në qytete mike, por mund të futeni dhe në zona PVP. Blizzard dëshiron të kombinojë makthin e Diablo 1, loot-in e Diablo 2 dhe luftimin e Diablo 3. Diablo 4 do të vijë në PC, PS4 dhe Xbox One.
Gjatë trailer-it të gameplay, disa prej klaseve që do të vijnë në Diablo 4 duket se janë mage, druid dhe barbarian. Në lojë gjithashtu do të ketë dhe mounts!
Diablo 3, e lançuar në 2012, pati një lançim problematik pasi pati probleme me lidhjen me lojën, si dhe problemeve me balancën. Më pas, me kalimin e viteve dhe lançimin e Reaper of Souls, ajo u bë një lojë mjaft e mirë që shiti mbi 30 milionë kopje.
Gjithashtu, mos humbisni dhe trailerin kinematik të Diablo 4.
