Batman: Arkham City shiti 12.5 milionë kopje brenda një viti

$600 milionë të ardhura

Arkham City dihej që në fillim se do të kishte shitje të mira, me atë që ishte vazhdimi i lojës më të mirë të Batman të bërë ndonjëherë. Tani kemi një ide të saktë se sa të mira ishin këto shitje. Në shkurt të 2012s u raportua se Arkham City kishte shitur 6 milionë kopje, brenda katër muajve të parë të lançimit, por falë përdoruesit të twitter, @bogorad222, kemi disa shifra edhe më të detajuara.

Duke i hedhur një sy profilit të LinkedIn të menaxherit të marketingut për seritë e Arkham City në Warner Bros, u vu në dukje se vetëm në vitin e parë Arkham City shiti 12.5 milionë kopje. Një shënim tjetër përmend se mblodhi mbi $600 milionë në të ardhura. Një shifër aspak e vogël kjo. Nëse po pyesni veten nëse do të marrim një tjetër lojë të Batman, shifrat sugjerojnë që po.

Ata gjithashtu nxorrën informacione për disa lojëra të tjera me shitje të mëdha, përfshirë faktin se Phoenix Wright: Ace Attorney Trilogy kaloi limitin e dëshiruar të shitjeve me 150%, në muajin e parë të lançimit të saj dhe se Ryse: Son of Rome menaxhoi të shesi 1.3 milionë kopje.