Adresat e Valorant po shiten për $150, por Riot paralajmëron bans për këta blerës

Closed beta e Valorant filloi pardje dhe ishte një sukses masiv. Riot njoftoi se kishte arritu mbi 1.7 milionë shikues njëheresh në Twitch, duke vendosur një rekord të ri. Ky është lajm i mirë për Riot, por gjithashtu ka sjellë disa sfida për të. Studioja ka pranuar se kërkesat kanë qenë të larta dhe pak rraskapitëse dhe ka thënë se do ti shpërndajë closed beta keys me kujdes, që të shmangë prishjen e serverave.

“Do të tregohemi të drejtpërdrejtë me ju siç kemi qenë gjithmonë: duhet të sigurohemi që nuk po i mbingarkojmë serverat tanë. Nëse dita e parë e betës na tregoi diçka ishte që duhet ecim me ritme të ngadalta, që lojtarët mos të bëhen pirg njëheresh dhe të mos dëmtojmë serverat. Do ju gënjenim po t’ju thoshim që nuk ka ende probleme që duhet të zgjidhim.” Ka thënë Riot.

Deklarata e Riot gjithashtu ka sqaruar disa pika se si funksionon aksesi për closed beta të Valorant. Studioja tha javën e shkuar se këto keys do i jepen shikuesve të betas në transmetimet e saj në Twitch. Kjo bëri që lojtarët të qëndrojnë me orë të tëra përpara ekranit, me disa prej tyre që krijuan adresa të shumta për të rritur probabilitetin e tyre për ta marrë.

Riot tha se kjo nuk është e nevojshme, pasi thjesht do të matet koha totale që është shikuar dhe në momenin që kalohet kufiri, ju do të kualifikoheni për një drop rastësor, që do të dërgohet në adresat tuaja të email-it. Përzgjedhja është rastësore, por ata që kanë parë më shumë orë do të kenë mundësi më të mira.

Popullariteti i madh i betës ka rezultuar që një numër i madh i adresave të Valorant beta të vihen në shitje në eBay me çmime që fillojnë tek $150. Riot paralajmëroi drejt këtij aktiviteti, duke thënë se përdoruesit që i blejnë do të bëhen ban nga loja.

Është për të qeshur në fakt sepse shumë njerëz kanë krijuar adresa të ndryshme në Twitch me shpresën se do të rrisë mundësitë e tyre për të fituar, por Riot tha se ka vendosur filtra për të dalluar viewbots nga shikuesit aktualë. Morali këtu është pak i miksuar: ‘nuk duhet të nxirrni sytë duke parë streamet e Valorant për të marrë betan, por nëse e bëni këtë do bëjmë më të mirën që ju ta merrni’.