Zbulohen detaje të operatorit të ri në Rainbow 6 Siege

Një operator i ri thuhet se është zbuluar përpara Sezonit 2 të Vitit 7 në Rainbow Six: Siege së bashku me një bollëk ndryshimesh krejt të reja që do të futen në lojë, por leaks aktuale na tregojnë për pamjen dhe detajet e këtij operatori i ri, i njohur si “Sens”.

Sens do të jetë shtesa e ardhshme në listën e Operatorëve në Rainbow Six: Siege sipas dokumentacionit të zbuluar nga Zer0Bytes në accountin e tij në Twitter.

Leak-et e tij sugjerojnë se Sens do të ishte në gjendje të vendoste pajisjen e tij speciale, e cila do të ishte një pajisje portative e quajtur R.O.U, e cila do të krijonte më tej një mur holografik pasi të rrotullohej në tokë. Kohëzgjatja e R.O.U do të zgjaste për një kohë të caktuar, gjë që do të bllokonte shikimin e mbrojtësit nga sulmuesit.

Me origjinë nga Brukseli, Sens do të nënvizonte përditësimin e sezonit 2 të Vitit 7 si sulmues i cili do të përdorte një Assault Rifle krejt të re të quajtur POF9 si armën e tij kryesore, dhe siç mund ta shihni në imazhin ajo mund të pajiset me një ACOG.

Ishte vetëm muaji i fundit që komuniteti Rainbow Six Siege mirëpriti përmbajtjen e Vitit 7 me një operator krejt të ri dhe disa ndryshime të mëdha, por tani, një leak i madh nga Zer0Bytes ka zbuluar pamjen e operatorit të ardhshëm, si dhe armët e tij dhe aftësi e veçantë.