Nxitoni të merrni Wolfenstein: The New Order falas në Epic Games Store

Një prej lojërave më të mira FPS të vitit 2014, Wolfenstein: The New Order nga Machine Games dhe Bethesda Softwork vjen kësaj here falas në Epic Games Store.

Wolfenstein: The New Order u lançua për herë të parë më 2014 nga Machine Games dhe Bethesda Softwork dhe është një lojë aksion aventurë FPS. Ju jeni të vendosur në vitet 60’ në një të shkuar alternative ku bota është e pushtuar nga Nazi. Tashmë është në dorën tuaj si “Blazkowicz” të përballeni kundër tyre.

Ju do përballeni me sisteme të ndryshme dhe një larmishmëri goxha të madhe armësh ku gjithashtu mund të mbani dy në të njëjtë kohë ose t’i modifikoni ato. Loja është e ndarë në nivele ku secili prej tyre është i mbushur me plot aksion dhe një mal me armiq për të mundur.

Wolfenstein: The New Order do të jetë falas në Epic Games Store prej datës 2 qershor deri më 9 qershor prandaj nxitoni ta merrni sa më parë.