Nxitoni të merrni lojërat falas në Epic Games Store për këtë javë

Epic Games Store ka nxjerrë lojërat e saj të përjavshme falas të cilat mund t’i gjeni tashmë falas dhe nxitoni që t’i merrni sa më parë.

Lojërat falas për këtë javë në Epic Games Store janë Amnesia: Rebirth dhe Riverbond.

Amnesia: Rebirth është një aventurë horror first-person ku ju luani si një person i cili ka humbur kujtesën. Tashmë do t’iu duhet të zbuloni të shkuarën tuaj dhe se kush jeni dhe në të njëjtën kohë të mbijetoni në shkretëtirën algjeriane. Por kujdes në çdo veprim që bëni, vdekja dhe frika mund të jetë një lëvizje larg.

Riverbond është një lojë solo ose co-op ‘shoot-and-slash’ aventurë e cila mund të luhet deri në 4 lojtarë e vendosur në një botë pixel.

Vetëm ose bashkë me miqtë tuaj, nisuni në një udhëtim heroik ku do të plotësoni misione, luftoni kundërshtarë të ndryshëm dhe të shkatërroni gjithçka që iu del para në “kuba të vegjël.” Eksploroni dhe argëtohuni me veçoritë e ndryshme që Riverbond ka dhe të mos harrojmë armët e larmishme që kjo lojë ka.

Amnesia: Rebirth dhe Riverbond do të jenë falas nga data 21 prill deri më 28 prill të vitit 2022. Ndërkohë hidhuni një sy lojërave falas për javën tjetër.