Një ndër lojërat më të mira space exploration po vjen në Nintendo Switch dhe ajo është No Man’s Sky e cila vjen afërsisht 5 vite pas lançimit të saj.
Trailer në fjalë tregon një eksplorues i cili ecën në vende të ndryshme si biomet e planetëve të ndryshëm dhe stacionet hapësinore. Gjithashtu ky trailer na tregon edhe elementë të tjerë si dyluftim hapësinor ose eksplorimi duke përdorur krijesa aliene.
Akoma nuk është zbuluar shumë rreth asaj që do të vijë në No Man’s Sky por dihet që do të përfshijë të gjitha update që kanë ardhur gjatë këtyre 5 viteve të fundit. Gjithashtu zhvilluesi i lojës është shprehur se versioni i Nintendo Switch do të ketë optimizime të ndryshme duke nisur që nga gameplay dhe deri tek UI i lojës.
No Man’s Sky është një lojë e zhanrit space exploration e cila iu vendos në një hapësirë të pafund ku planete dhe sisteme diellore gjenerohen rastësisht sa herë që luani lojën. Gjatë 5 viteve të fundit, No Man’s Sky ka marrë goxha update si nga ana e gameplay po ashtu edhe përmirësime në performancën e lojës.