Një lojë e re Marvel duket se është anulluar

Një prej projekteve më të fundit Marvel e cila dukej goxha premtuese dhe shumë fansa po e prisnin mesa duket është anulluar duke zhgënjyer shumë fansa.

Loja në fjalë ishte një projekt pa emër akoma i zbuluar fillimisht në nëntor të vitit 2021 nga zhvilluesit e lojës goxha popullore DC Universe Online.

Edhe pse nuk ishte zbuluar shumë për këtë lojë Marvel, dimë që ky projekt do të ishte i ngjashëm me lojën MMO DC Universe Online, një lojë e cila u pëlqye goxha nga fansat në vitin 2011 kur doli dhe besojmë se do të pëlqehej edhe nga fansat e Marvel.

Zhvillimi i lojës po kryhej një prej studiove që zhvilloi edhe DC Universe Online, Daybreak Studios dhe drejtuar nga dizajneri i City of Heroes. Fatkeqësisht kompania mëmë, Enad Glbal 7 (EG7) ka njoftuar se loja do të anulohet pas një rivlerësimi të kompanisë së tyre.

Me pak fjalë, ky projekt MMO i Marvel ishte goxha i shtrenjtë për ta dhe nuk ia vlente që të rrezikonin.