Rezulton se kontrolluesit wireless për video lojëra nuk janë vetëm më të lehtë për t’u përdorur dhe shumë më të përshtatshëm, ata janë gjithashtu potencialisht shpëtues të jetës. Një lojtar ndjeu goditjen të rrufesë javën e kaluar. Siç raportohet nga WRKN lojtari nga Robertson, Tennessee u godit të shtunën në mbrëmje dhe menjëherë thirri shërbimet e urgjencës për ndihmë. Shërbimet Mjekësore Emergjente të Qarkut Robertson konfirmojnë se shtëpia e tij u godit vërtet nga rrufeja, duke bërë që kontrolluesi i tij t’i jepte atij një goditje të keqe.
Për fat, personi në fjalë ështe mirë. Pasi mbërritën mjekët, ata zbuluan se ai nuk dukej i lënduar. Pas një kontrolli të shpejtë, ishte e qartë se nuk kishte dëme serioze dhe nuk kishte nevojë të shkonte në spital. Mendohet se ai mori një goditje të dytë kur kuptoi se ndoshta do të duhej të paguante për ambulancën, në Amerikë.
Në mënyrë të pabesueshme, kjo nuk është në të vërtetë hera e parë që diçka e tillë ka ndodhur. Vetëm vitin e kaluar, një lojtare pro Rocket League me emrin Karma u godit nga rrufeja përmes kontrolluesit të saj ndërsa ishte në stream. Ndërsa nuk ka dyshim se goditja nga rrufeja përmes një kontrolluesi është shumë më pak potencialisht vdekjeprurëse sesa marrja e një shpërthimi të plotë të goditjes aktuale në vetvete, por edhe kjo dhemb shumë. Sigurisht ishte mjaft keq që ky djalë të ndjente se kishte nevojë të thërriste një ambulancë.
Morali i kësaj historie? Herën tjetër kur luani lojëra gjatë një stuhie, konsideroni të shkëputni kontrolluesin nga priza dhe të prdorni një wireless nëse mundeni. Mund t’ju kursejë vetëm një tronditje të keqe.