VR Headset për Nintendo Switch vjen me një Labo Kit të ri

Virtual Boy rikthehet

Nintendo ka zbuluar Labo setin e tij, VR Kit, i icili e kthen konsolin Switch në një headset të virtual reality. Toy Con-i i ri do të lançohet në 12 prill dhe përfshin edhe minilojëra shtesë.

Nintendo thotë se Kit-i i ri “inkurajon përdorimin e krijimeve Toy Con mes njerëzve”. Kompania vazhdon të thotë se: “Për të ndihmuar inkurajimin e gameplay-it social, lojtarët thjesht kthejnë konsolin Switch në Toy-Con VR Goggles dhe e mbajnë përpara syve për të eksploruar lojëra dhe eksperienca të reja.”

Toy Con i ri është i disponueshëm në dy konfigurime: VR Kiti i plotë përfshin të gjitha materialet për të ndërtuar të gjashta projektet Labo VR (VR Goggles, Blaster, Camera, Bird, Wind Pedal dhe Elephant.) VR Starter Set ndërkohë, përfshin software-in e Switch, por vetëm materialet për të ndërtuar VR Goggles dhe Blaster. Të dyja setet gjithashtu përfshijnë një kapak sigurie dhe mbajtëse ekrani, për njerëzit që preferojnë ti luajnë minilojërat në 2D. Ata që blejnë Starter Setin mund ta plotësojnë koleksionin e tyre më vonë duke blerë dy expansion-sat.

Në US VR Kiti kushton $80, kurse Starter Set + Blaster kit shkon $ 40.