Instrumentat më të reja në Warframe po nxjerrin në pah të gjithë muzikantët e lojës.
Instrumentat më të reja në Warframe po nxjerrin në pah të gjithë muzikantët e lojës.
Warframe është një lojë që lidhet me të qenurit një ninja hapësinor dhe të vrarit të ligët e hapësirës me stilin e duhur. Sidoqoftë tani lojtarët kanë gjetur një pasion tjetër edhe më interesant për ta praktikuar gjatë lojës. Zhvilluesi Digital Extremes ka shtuar instrumenta në lojë të ngjashme me kitarat. Ato quhen Shawzin dhe normalisht që lojtarët tashmë ja kanë gjetur anën për të luajtur këngët e tyre të preferuara.
Është e habitshme se sa fleksible janë realisht këto instrumenta. Ato kanë tre tela dhe tre perde. Praktikisht Warframe ju lejon të luani çfarëdolloj kombinimi notash që mund të nxirret prej këtyre. Nëse shtypni opsionin e Tab mund të ndërroni edhe shkallët muzikore. Tingulli që ato japin është mjaft i veçantë, siç mund ta dalloni edhe nga shembujt më poshtë.
Komuniteti i Warframe e ka përqafuar më së miri idenë e Shawzin, ku secili ka filluar të bëjë covera muzikorë të këngëve të tyre të preferuara. Një lojtar ka bërë një video të personazhit të tij duke luajtur Through the Fire and Flames nga DragonForce, në mënyren më ekperte që mund të pritej nga Warframe.
Një tjetër lojtar pastaj ka marrë përsipër të luajë House of the Rising Sun nga The Animals. Meloditë janë relativisht të thjeshta, pasi nuk mund të presim kombinime të komplikuara notash me vetëm tre perde dhe tre tela, por sërish tingulli është fantastik.
Sigurisht pastaj që dikush ka zbuluar si të luajë edhe Despacito.
Pjesa me e bukur e Shawzin, që mund ta aktivizoni me emote, është që ju mund të regjistroni këngë dhe të ndani kodet e tyre me lojtarë të tjerë. Kur ju ta bëni këtë ata do të shohin një tip tablature e ngjashme me atë të lojës Guitar Hero, që do ju tregojë se çfarë duhet të shtypin për ta luajtur atë këngë.
Nëse luani Warframe dhe keni pak dell muzikor brenda vetes, sigurohuni që të provoni Shawzin.