Lojërat e tenisit priren të jenë shumë argëtuese, por edhe ato më të mirat luftojnë për të kapur vërtet esencën e këtij sporti. Në lojëra si Virtua Tennis e vitit 2009, theksi vihet në shërbimet fillestare sesa në vendosjen e topit në momentin e duhur dhe vendin e duhur, kështu ndeshjet kalojnë në një betejë se cili lojtar e çon atë sa më majtas ose djathtas derisa kundërshtari të mos e arrijë dot topin. Tennis World Tour 2, një vazhdim shumë i përmirësuar nga zhvilluesi i këtij viti AO Tennis 2, kap rrjedhën e sportit më mirë se kurrë më parë, e gjitha kjo në kurriz të aksesibilitetit për ata që nuk janë të gatshëm ta zotërojnë lojën.
Siç është rasti me lojëra si Top Spin 4, gjetja e kohës është kyçe për të arritur suksesin tuaj në fushë. Keni dy mundësi për goditjet: saktësinë dhe fuqinë. Me të parën, thjesht do të duhet të godisni topin në mënyrën më preçize të mundshme, dhe nëse e bëni atë siç duhet, do ta vendosni topin në një sektor të caktuar të fushës. Goditjet e fuqishme, nga ana tjetër, duhet të bëhen charge dhe të lëshohen në momentin e saktë goditjes suaj; por prapë, do të duhet të kapni një goditje shkatërruese në zonën e fushës që shënjestroni.
Ajo që e bën këtë lojë më sfiduese se çdo paraardhës i saj, është se një gjykim i vogël për kohën tuaj mund ta shohë topin të dalë nga kufijtë. Për shembull, ju mund të keni punuar shumë për ta shtyrë kundërshtarin tuaj thellë në një cep të fushës me disa goditje të vendosura saktësisht, por nëse gaboni goditjen e fundit, atëherë topi do të bjerë në anën e gabuar të vijës dhe ju do të humbni pikë. Këto lloj gabimesh sfidojnë edhe lojtarët më të mirë, por mund të nënkuptojnë ndryshimin midis kampionëve të Grand Slam dhe atyre që… marrin pjesë.
Sistemi i shton thellësi serioze një sporti që ka shumë më tepër nuancë sesa goditja e një topi në mënyrë të vazhdueshme. Nëse një lojtar po ju lëviz në të gjithë fushën, atëherë do të jeni të detyruar të luani në mbrojtje, duke përdorur vendosjen precize thjesht për të mbajtur topin në lojë. Ndërkohë, nëse jeni ju duke caktuar ritmin e lojës që nga fillimi, atëherë mund të filloni të mundoni kundërshtarin tuaj me gjuajtjet tuaja, duke e bërë pothuajse të pamundur që kundërshtari juaj të arrijë topin; e njëjta gjë si tenisi i botës reale, ku komanda juaj mbi topin është thelbësore për suksesin tuaj në fushë.
Duket si tenisi në botën reale, herë pas here. Një listë e gjerë e animacioneve të reja do të thotë që ju mund t’i lexoni kundërshtarët tuaj shumë më mirë, por sistemi ende nuk është i përsosur. Ka raste kur topi do të dalë nga raketa juaj në një kënd të çuditshëm, pasi loja përpiqet të ndërthurë qëndrimin e lojtarit tuaj me drejtimin që po përpiqeni ta ktheni topin. Është e rrallë, të them të drejtën dhe do të ishte e paarsyeshme të presim përsosmëri kur edhe lojëra si NBA 2K (review-n të cilën ne sapo e bëmë dhe mund ta shihni në kanalin tonë) dhe FIFA kanë fizikë herë pas here të pasaktë, por është diçka që do të ketë nevojë për përsosje të mëtejshme nëse do të ketë lojëra të ardhshme.
Nuk duket veçanërisht bukur po ashtu. Arenat janë kryesisht të mëdha, por ka një pamje të çuditshme të ngjashme me karikaturat për modelet e personazheve, e cila është në kundërshtim me stilin realist që synon loja. Ka disa lulëzime të këndshme të frymëzuara nga transmetimet e lojërave të tenisit, siç është përfshirja e hawkeye, por fundja është thjesht një veçori që është aty për risi mbi të gjitha.
Duke marrë parasysh se sa keq u mërzitën fansat nga Tennis World Tour origjinal, modeli i biznesit në këtë përsëritje meriton gjithashtu një vëzhgim. Loja është e disponueshme me një çmim “buxheti”, por nëse doni blini më shumë çmime për Ace Edition, do të keni gjithashtu akses në stadiumet e licencuara, të tilla si Roland-Garros dhe ata të lidhur me të. Në varësi të qëndrimit tuaj, kjo mund të konsiderohet si një gjë e mirë ose e keqe: nëse nuk jeni të interesuar për French Open, atëherë mund të argumentoni se loja është në dispozicion me një çmim të reduktuar, por të tjerët mund të kundërshtojnë që ju po taksoheni shtesë për veçori thelbësore. Zgjidhni pozicionin tuaj.
Një fushë ku fansat e kësaj loje do të jenë të kënaqur është gameplay i ri ku ju ndërtoni decks. Kjo ju sheh teksa përdorni coins në lojë për të blerë pako stil Ultimate Team të cilat ju mundësojnë të rrisni kualitetin e lojës suaj në disa skenarë. Këto kanë resurse të fundme, të tilla si përmirësimi i saktësisë së shërbimit tuaj për një pikë të vetme, por mund të përdoren për të kthyer lojën nëse dini kur t’i përdorni ato. Është një sistem që imiton bëmat mbinjerëzore të lojtarëve më të mirë në botë, dhe ndërsa mund të jetë pak i vështirë për tu mjeshtëruar për disa, ne mendojmë se shton një shtresë aksioni mjaft interesante.
Career mode është po aq i dendur, pasi përpiqeni të evoluoni një pretendent për statusin e super yllit. Do të duhet të planifikoni në mënyrë efektive, duke marrë parasysh udhëtimet, dëmtimet, trajnimet dhe shumë më tepër. Disa nga veçoritë e campaign-it janë pak të “pabëra” le të themi, si psh. mënyra sesi ju nënshkruani agjentë dhe trajnerë dhe kjo gjë nuk ju jep shumë përfitues, por në përgjithësi është një konfigurim tërheqës, ku do të duhet të planifikoni paraprakisht për të siguruar që jeni në formën optimale për të bërë një shfaqje për eventet që dëshironi të fitoni.
Përkundër gjithë kësaj, ka disa gjëra që nuk janë dhe aq të mira për këtë lojë. Unlocks të gear, për shembull, nuk janë aq interesante, kështu që është e vështirë të krijosh një lidhje personale me lojtarin tënd kur nuk mund t’i pajisësh ato me llojin e veshjeve dhe aksesorëve që të pëlqejnë. Vështirësia e ndeshjeve trajtohet gjithashtu çuditërisht, pa asnjë mundësi universale në settings që do të thotë që ju duhet ta rregulloni atë pas çdo ndeshjeje. Shpresojmë që kjo do të rregullohet.
Konkluzioni
Tennis World Tour 2 kap mirë rrjedhën e tenisit në botën reale, por kjo vjen me një fazë disi të gjatë të të mësuarit të lojës. Kapërcejeni atë dhe do të shpërbleheni me një përvojë të thellë loje të bazuar në aftësi, e cila ngrihet nga një shoqërim strategjik i ndërtimit të deck-ut. Ka mospërputhje në prezantim, me disa animacione të vështira, fizikë dhe vendime të drejtimit artistik, por campaign është argëtuese dhe loja online do t’i shtojë jetëgjatësinë. Siç qëndron, është loja më e mirë e tenisit aktualisht në dispozicion, por ka ende vend për përmirësime të mëtejshme.