Sony: Nintendo po bën gjëra të mrekullueshme me Switch

Përfaqësuesi i Sony nuk e mbështet luftën mes platformave.

Shawn Layden mund të jetë nën shënjestrimin e medias për komentet e tij në cross-play-n e konsolave këtë javë, por kur vjen puna te konkurenti i PlayStation nuk ka asgjë veç fjalëve të mira për të thënë. I pyetur për të dy rivalët kryesorë, Microsoft dhe Nintendo, reagimi i tij ishte çuditërisht komplimetues.

“Mendoj se Nintendo po bën gjëra të mrekullueshme me Switch dhe platformën në përgjithësi. Po zhduken ngadalë linjat mes të luajturit në shtëpi dhe të luajturit në lëvizje.” Një përqasje të ngjashme e kishte dhe për Phil Spencer dhe skuadrën e tij. “Çfarë kanë bërë së fundmi me prezantimin e një adaptive controller për të rritur aksesibilitetin në lojëra është një risi e mrekullueshme.”

Në fakt Layden shkoi deri në pikën ku tha se nuk do i referohet më rivalëve të PlayStation si “platformat konkuruese”. “Mendoj se të gjithë po mbështesim një lloj revolucioni në botën e gaming. Jemi të gjithë duke punuar së bashku për të njejtin qëllim.”

Kjo është një sjellie vërtet për tu admiruar dhe shpresojmë që në të ardhmen të gjithë të tregojnë të njejtën frymë bashkëpunimi.