Pyra dhe Mythra nga Xenoblade Chronicles 2 tani i gjeni në Smash

Pyra dhe Mythra nga Xenoblade Chronicles 2 po i bashkohen Smash-it.

Personazhet më të rinj në DLC të Super Smash Bros. Ultimate, Pyra dhe Mythra nga Xenoblade Chronicles 2, do të jenë në dispozicion të Enjten, njoftoi Nintendo. Ato janë përfshirë si pjesë e pass-it të dytë të Super Smash Bros. Ultimate Fighters, ose mund të blihen veçmas për $5,99.

Regjisori i lojës, Masahiro Sakurai, tregoi luftëtaret e reja në një prezantim me video të enjten në mëngjes.

Lëvizjet e Pyra bëjnë më shumë dëm, ndërsa Mythra lëviz më shpejt dhe kërcen më lart, dhe ju do të jeni në gjendje t’i ndërroni me njëra tjetrën kur të doni gjatë një ndeshje.

Nëse merrni luftëtaret e reja, do të jeni në gjendje të luani edhe në një skenë të re nga Xenoblade Chronicles 2, the Cloud Sea of Alrest, ku hipni në anën e pasme të një përbindëshi gjigand që udhëton nëpër qiell. Pyra dhe Mythra vijnë gjithashtu me këngë të reja nga Xenoblade Chronicles 2.

Dhe nëse jeni kurioz, ja si duket Kirby me fuqitë e Pyra-s dhe Mythra-s:

Pyra dhe Mythra bashkohen me Min Min nga Arms, Steve dhe Alex nga Minecraft dhe Sephiroth nga Final Fantasy VII në pass-in e dytë të Super Smash Bros Ultimate Fighters Pass.

Nintendo planifikon të sjelli edhe dy personazhe të tjerë për pass-in.