I lançuar fillimisht në 2006, Pokémon Diamond and Pearl erdhën në Nintendo DS duke sjellë një gjeneratë të re të lojërave Pokémon. Tashmë Diamond and Pearl janë rikthyer me një remake të ri nën emrat Brilliant Diamond and Shining Pearl duke sjellë plot vecori të reja por gjithashtu duke ruajtur plot veçori dhe aspekte origjinale.
Brilliant Diamond and Shining Pearl qëndrojnë remake gjatë pjesës më të madhe të kohës. Njësoj si në DS, qytetet, rrugët, trajnerët, Pokédex dhe Pokémon kanë qëndruar të njëjta me të cilat do të përballeni gjatë aventurave.
Ju do të nisni aventurat tuaja në Twinleaf Town ku do të merrni Pokémon tuaj të parë dhe do të njihemi me Profesor Rowan I cili do t’iu ndihmoj dhe udhëzoj gjatë nisjes së aventurës suaj. Gjithashtu aty ju takoni miqtë dhe rivalët tuaj, Dawn dhe Barry dhe niseni përgjatë udhëtimit tuaj për të pushtuar tetë palestra(gym) dhe për t’u bërë kampion i rajonit të Sinnoh.
Gjatë aventurave tuaja do të zbuloni gjithashtu planet e Team Galactic për të shfrytëzuar energjinë e “evolution” dhe dy Pokémon legjendar, Dialga ose Palkia. Asgjë në histori nuk është e re apo befasuese pasi është një remake i versionit DS të lojës por përsëri historia të kënaqte goxha sidomos nëse keni luajtur lojërat origjinale dhe iu ka marrë malli për rajonin e Sinnoh.
Zhvilluesi i lojës kësaj here ka ndryshuar dhe është ILCA i cili ka vendosur që të rikrijojë personazhet “chibi” të lojërave DS në 3D dhe ka mbajtur perspektivën e botës nga lart-poshtë e cila na jep ndjesinë se ky remake i ka qëndruar besnik origjinalit.
Por ndryshe nga origjinali, kësaj here do të kemi përmirësim nga ana grafike dhe vizuale në shumë aspekte si hijet, uji, pyjet dhe gjithashtu edhe gjatë përballjeve duke iu dhuruar një botë goxha të bukur.
Brilliant Diamond and Shining Pearl ka shtuar plot veçori të reja si ruajtja automatike e progresit ose aftësia për të parë fuqitë, dobësitë dhe stats e lëvizjeve në betejë janë shtesa të shkëlqyera, të cilat na pëlqyen goxha.
Pokémon gjithashtu nuk ka më nevojë t’i mësohet Hidden Moves për të përdorur lëvizje si Rock Smash ose Cut për të hapur rrugë ose kaluar pengesat në eksplorim, diçka e cila zinte një vend në move slots në lojërat origjinale. Tashmë thjesht afrohuni afër pengesës dhe do të keni mundësinë ta përdorni direkt lëvizjen.
Një veçori tjetër është EXP Share e cila në pamje është një mënyrë e shkëlqyeshme për të ulur lodhjen dhe grind “e panevojshëm” për të bërë level up Pokémon-ët tuaj më pak të përdorur në betejë.
Dhe kur Pokémon juaj bëhet level up, ju mund të merrni një aftësi të re të cilën mund ta shtoni në move slots e tij, ta zëvendësoni me një tjetër ose të mos ia mësoni fare.
Sidoqoftë, zhvilluesit nuk kanë marrë asnjë masë për të balancuar këtë veçori dhe nuk ka asnjë mënyrë për të çaktivizuar EXP Share. Si rezultat, skuadrat e mia u ndjenë të fuqishme teksa loja përparonte, duke bërë që ndeshjet e mëdha kundër Team Galactic ose ndonjë prej drejtuesve të Gym/palestrave të ndiheshin të lehta dhe si të parëndësishme.
Vendi ynë i preferuar për të eksploruar ishte Grand Underground, një sistem masiv i shpellave nëntokësore që shtrihet nën rajonin e Sinnoh. Ky vend është goxha i madh dhe zë një pjesë të mirë të hartës. Këtu ju mund të gërmoni për gurë të çmuar, fosile, statuja të panumërta dhe më shumë.
Aktivitete të tjera përfshijnë eventet e Pokemonit të quajtur Super Contest Shows të cilat ndryshonin ritmin e lojës. Në Super Contest Shows do t’iu duhet që të mahnitni gjyqtarët me një lojë të thjeshtë rhythm game dhe do të lëshoni një sulm në momentin e përsosur për të fituar pikë ekstra.
Gjithashtu na pëlqeu goxha fakti që mund të personalizojmë Pokeballs me sistemin Ball Capsule. Me një sistem të përmirësuar nga Diamond and Pearl, ju mund të vendosni stickers të ndryshme mbi kapsula për të krijuar animacione unike dhe për të fituar pikë shtesë kur hidhni një Pokémon në këto evente.
Edhe më mirë, animacionet tuaja në Ball Capsule shfaqen në betejë, por nuk do të ndikojnë në zhvillimin e luftimeve.
Gjithashtu ju do të keni mundësinë që të ndryshoni emrat e Pokémon kur i kapni ata në fillim. Kjo na e shtoi goxha argëtimim pasi sa herë që kapnim Pokémon, i vendosnim emra nga pjesëtarët e komunitet të GameON duke sjellë goxha situata komike.
Por diçka e cila na acaroi dhe na bezdisi goxha është fakti që në cdo moment ju do të përballeni me një luftim. Nëse jeni duke shkuar diku, gjatë rrugës suaj do të përballeni me një numër të madh kundërshtarësh prej të cilëve nuk mund të largoheni. Kjo na lodhte shumicën e kohës dhe na hante goxha kohë teksa përpiqeshim të plotësonim misionet.
Pokémon Brilliant Diamond and Shining Pearl përpiqen të mos ndryshojnë shumë nga loja origjinale dhe t’i qëndrojnë besnike. Na shijoi goxha koha teksa eksploruam rajonin e Sinnoh pavarësisht se ndonjëherë ngatërroheshim ose humbnim rrugën.
Mund të themi që Brilliant Diamond and Shining Pearl janë një rikthim i këndshëm sidomos për lojtarët e vjetër të kësaj loje.