Një lojë e re e serive Grid do të vijë në shtator

Kanë kaluar pesë vite që nga loja e fundit.

Përsa i përket lojërave me gara, Grid është një lojë e mirë. Deri në 2014 kishim dy lojëra Grid dhe pastaj për arsye të panjohura thjesht nuk u publikuan më lojëra të tjera. Kjo derisa Codemasters njoftoi se një tjetër lojë është në rrugë e sipër.

Pilotët në Grid-in e ri do të marrin GT, Touring, Stoc, Muscle, Super-Modified dhe tipe të tjera makinash përmes mode-ve të ndryshme. Dëmet do të ndikojnë në performancën e makinës dhe të krijuarit shumë kontakt me një garues do i bëjë ata një armik që “nuk do të ndalen para asgjëje për tu hakmarrë.”

Lojërat e shkuara të Grid kanë qenë të detajuara dhe autentike, por gjithashtu ia kanë dalë të kenë një nivel të caktuar lirshmërie që të bënin të ndjeheshe rehat në lojë. Ky ka qenë pikërisht elementi që kanë vlerësuar shumica e lojtarëve. Loja e re ka si synim të vazhdojë traditën.

Grid-i i ri gjithashtu do të përfshijë dhe dy herë kampionin e botës në Formula Një, Fernando Alonso, i cili ka marrë pjesë në konsultimet për lojën.

Loja e re do të quhet thjesht Grid dhe është llogaritur për të ardhur në 13 shtator.