DOOM Eternal vjen me një trailer të ri që përshatet në mënyrë perfekte

Doomguy do të rikthehet në 20 mars

Doom Eternal do të lançohet në 20 mars dhe me ardhjen e vitit të ri, Bethesda ka sjellë një trailer të ri për shooter-in. Siç do të shikoni në videon e mëposhtme, ky version modern i lojës nuk e ndryshon aspak formulën klasike të Doom: ka pak narrativë, por fokusi i lojës është padyshim tek vrasja e demonëve nga ferri.

Përveç Cacodemons dhe Mancubuses të njohur tashmë nga fansat e lojës, do të kemi dhe dy armiq të rinj në lojë: Marauder dhe Gladiator. Gjithashtu shohim edhe pak nga Crucible në aksion: një shpatë e kuqe e ndritshme, e cila u shfaq pak në Doom 2016 dhe tashmë do të jetë pjesë e plotë e arsenalit të Doom Slayer.

Gjithçka duket shumë e ngjashme me atë që kemi mësuar, por me disa veçori të reja: tashmë harta ka shumë më shumë nivele vertikale, ka një shotgun me një çengel dhe ka gjithashtu një zonë ku Doomguy mund të pushojë.