DC Super Hero Girls Teen Power Review
Nintendo Reviews

DC Super Hero Girls: Teen Power Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Në kohet e sotme, kur flasim për superheronjtë e DC, na kujtohet imazhi i superheronjve serioze dhe të errët që kemi parë në filmat dhe serialet e DCEU. Megjithatë, seriali DC Super Hero Girls, nga ku është bazuar edhe DC Super Hero Girls: Teen Power, paraqet jetën e superheronjve si nxënëse të gjimnazit Metropolis High School.

DC Super Hero Girls: Teen Power është adaptimi i serialit me të njëjtin emër. Loja është lançuar në Nintendo Switch dhe targeton një audience me të vogël në moshë në krahasim me lojëra të tjera te DC. Megjithatë, pavarësisht se është një loje për fëmijë, DC Super Hero Girls: Teen Power është një loje mjaft e detajuar dhe e mirë, e cila i sjell në mënyrë perfekte në jetë personazhet e serialit.

Personazhet kryesore të lojës janë superheroinat Batgirl, SuperGirl dhe Wonder Woman, me te cilat lojtaret kalojnë shumicën e aventurave te tyre. Loja ndahet në dy aspekte, social dhe heroik, secili me detyrat dhe misionet e saj.

DC Super Hero Girls Teen Power Social

DC Super Hero Girls: Teen Power është mjaft lineare dhe ju mund te luani si një prej personazheve për një segment te caktuar loje dhe me pas te kaloni te tjetri, përpara se te keni mundësinë t’i ndryshoni ato sipas dëshirës me vone ne loje. Aspekti social përfshin misione te vogla ne qytet, blerjen e rrobave te reja, si dhe menaxhimin e Superstapost, një rrjeti social brenda ne loje shume te ngjashëm me Instagramin.

Qytetet janë mjaft të gjalla dhe duke marre parasysh moshën e audiencës se kësaj loje, nuk janë shumë të mëdha. Misionet ne qytet zgjasin vetëm pak minuta dhe mund te gjendjen kudo. Kjo i mban te tërhequr lojtaret dhe i shpërblen ata me para për të blere rroba për personazhin e tyre.

Luftimet ne DC Super Hero Girls: Teen Power janë një prej aspekteve me polarizuese të lojës. Sistemi i luftimit ne fillim te duket pak i bezdisur, por me kalimin e kohës çdo hero merr aftësi te reja të cilat e bëjnë luftimin mjaft interesant dhe argëtues.

Gjithsesi, për ta përshtatur lojën me audiencën e saj, luftimet janë shumë të thjeshta dhe nuk mund të krahasohen me lojëra si Devil May Cry. Por kjo gjë nuk i bën misionet më pak tërheqëse, pasi numri i madh i kundërshtarëve qe ndeshesh dhe aftësitë e ndryshme të çdo superheroi të mbajnë të tërhequr për një kohe te gjate.

DC Super Hero Girls Teen Power Combat

Në fund të misioneve ju merrni shpërblime, te cilat shtohen nëse përmbushni objektiva te caktuar. Nder këto shpërblime janë edhe Skill Points, të cilat mund të përdoren për t’i dhënë më shumë jetë heroit tuaj ose për t’i mësuar atij aftësi të reja. Për shembull, Wonder Woman përdor litarin e saj për të tërhequr kundërshtarët dhe për t‘i bërë  stun, ndërkohë që SuperGirl mund të përdorë sytë e saj me lazer për t’i vrarë kundërshtarët.

Sado që DC Super Hero Girls: Teen Power është një lojë e ekzekutuar mjaft mirë, ajo ka edhe problemet e saj. Qytetaret dhe personazhet më pak te rëndësishme nuk kanë zëra ne dialogë dhe janë pak a shumë njësoj me njeri-tjetrin, duke e bërë lojën të humbasë deri diku personalitetin e saj. Gjithashtu, kamera e personazheve gjatë luftimeve shpesh herë nuk drejtohet në vendin e duhur dhe ju përfundoni duke rënë nga urat ose nga ndërtesat ku ndodheni.

Te gjithë personazhet kryesore dhe dytësore ne DC Super Hero Girls: Teen Power kanë zëra gjatë dialogëve, te cilat ngjasojnë shume me ato te personazheve ne serial. Edhe pse zërat janë pak te larte si në një cartoon dhe mbase nuk do i tërheqin te gjithë, ato funksionojnë mjaft mire për një lojë fëmijësh. Problemet me audion janë tek muzika, e cila është e njëjtë gjate gjithë kohës dhe bëhet e bezdisur shumë shpejt.

Kur shikon lojëra si DC Super Hero Girls: Teen Power, zakonisht mendon se janë lojëra të këqija të cilat shërbejnë vetëm për të nxjerre me shume para. Kjo gjë nuk është e vërtetë në këtë rast, pasi DC Super Hero Girls: Teen Power është një lojë mjaft argëtuese, e cila padyshim qe do t’i argëtojë fansat e vegjël të serialit.

Nëse jeni një gamer pak më i rritur, mbase kjo nuk është loja e duhur për ju. Por nëse jeni një prind që dëshiron t’i blejë një lojë të re fëmijës se tij, DC Super Hero Girls: Teen Power është një zgjedhje shumë e mire, e cila do t’i mbajë ata të tërhequr për një kohë të gjatë.