Ata që kanë Nintendo Switch duhet të përgatiten për vonesa nëse pandemia vazhdon

Prisni më të keqen, shpresoni më të mirën.

Nintendo publikoi rezultatet e saja financiare për fillimin e 2020s, duke zbuluar disa shifra mjaft mbreslënëse shitjesh për Switch dhe lojërat e tij.

Teksa kompania është duke e shijuar suksesin e saj, ajo nuk mund ti arratiset efekteve që po lë pas pandemia e coronavirus. Nintendo tha se: “vonesat në dërgesa dhe prodhim janë duke u rikuperuar gradualisht,” por komania nuk ka përjashtuar mundësinë e vonesave për lojërat e ardhshme nëse situata përkeqësohet.

“Nëse efektet e COVID-19 zgjasin më tej ose përkeqësohen, oraret e zhvillimit mund të ndikohen për shkak të ndryshimeve në mjediset e tyre, si përshembull puna në shtëpi dhe puna në zyrë,” tha Nintendo.

Si rezultat, Nintendo tha se nuk mendon se do të mund të lançojë produkte dhe shërbime “siç e kishte planifikuar”. Kjo është pak a shumë e njejta situatë për të gjithë zhvilluesit përqark botës.

COVID-19 mund gjithashtu të shkaktojë që Nintendo të krijojë më pak aksione për Switch, që me shumë gjasa do të ndikojë rezultatet financiare të këtij viti. Fansat e konsolës së famshme e kanë parë këtë gjë të ndodhë përgjatë muajve të fundit.

Për momentin, gjithçka që mund të bëjnë fansat është që të shohin se si situata e tanishme me coronavirus do të rezultojë dhe se si do i ndikojë kompani si ajo e Nintendo dhe të tjera nëpër botë.