Pokemon Sword dhe Shield në gameplay-in e fundit janë analizuar shumë. Një pjesë e kritikës nuk është fare e impresionuar me grafikat që na janë treguar deri më tani.
Traileri i Pokemon Sword dhe Shield ofroi shumë pak momente gameplay. Këto u përdorën kryesisht për të theksuar zonat e ndryshme të rajonit të Galar në vend të tregonin tipare të gameplay-it vetë.
Gjithsesi të paktën kishte mjaftueshëm xhirime sa të krijoje një ide të llojit të grafikave që Nintendo Switch do të përdorë për hyrjen më të fundit në serinë e lojërave të Pokemon.
Syrit normal këto grafika mund ti duken bazike dhe ndoshta asgjë më shumë se thjesht një version pak më i përmirësuar i lojërave 3DS Pokemon. Duhet marrë parasysh gjithsesi se ky xhirim deklaronte në fund të videos se nuk ishte përfundimtar.
Sado që pritet që grafikat të përmirësohen, stili i përgjithshëm i tyre nuk ka shumë gjasa të ndërrohet. Fansat e Pokemon po prisnin diçka më shumë përsa i përket Let’s Go. Gjithashtu ka thashetheme se kamera nuk do të rregullohet më, gjë kjo që do të sillte një botë më të eksplorueshme.