Që prej lançimit më 12 nëntor të viti të kaluar, PlayStation 5 ka ardhur vetëm në një ngjyrë e cila është e bardhë dhe që krijoi goxha diskutime midis fansave të kësaj konsole. Por mesa duket një ngjyrë e re do të vijë së shpejti, për sa i përket controller të PS5.
Sipas një raporti nga website spanjoll Areajugones, një punonjës i Sony ka zbuluar se dy ngjyra të reja për controller do të vijnë së shpejti në treg. Akoma nuk dihet se çfarë ngjyrash do të jenë por spekulimet tregojnë se ngjyrat do të jenë e zezë dhe e kuqe ose e zezë dhe gri.
Edhe pse ju mund të merrni “skins” për PS5 në mënyrë jo zyrtare, Microsoft ka shtuar shumë ngjyra të ndryshme dhe mundësinë për të krijuar një controller të personalizuar. Controller i PlayStation 4 pati një larmishmëri ngjyrash prandaj presim të njëjtën gjë nga PlayStation 5.