New World është loja e fundit nga Amazon Games e cila u lançua javën e kaluar dhe pati një rritje të madhe dhe të shpejtë në popullaritet. Dhe së fundmi kjo lojë ka thyer përsëri rekorde.
Së fundmi loja ka arritur një numër të ri lojtarësh të cilët luajnë në të njëjtën kohë. New World në Steam arriti afërsisht 913,000 lojtarë njëkohësisht duke thyer rekordin e saj të kaluar prej afërsisht 700,000 lojtarësh.
Ky rekord i ri e coi New World në krye të listës së lojërave me më shumë lojtarë në të njëjtën kohë duke kaluar edhe Counter Strike: Global Offensive. Ky është një sukses i madh për Amazon sidomos pas dështimit që loja e tyre e kaluar Crucible pati.
Pavarësisht kësaj, New World ka një mal me review negative në Steam për shkak të pritjes së madhe që lojtarët kanë në queue kur përpiqen të hyjnë në lojë dhe problemeve si nxehja e lartë e GPU. Momentalisht në Steam, New World ka një vlerësim pozitiv prej 68%. Pritet që kjo gjë të ndryshojë në vazhdim pasi Amazon ka premtuar rregullimin e këtyre problemeve.