Netflix sjell lojëra të reja në platformën e saj

Pas një periudhe të gjatë testimi, Netflix po zgjeron platformën e saj duke sjell lojëra të reja për shumë përdorues të ndryshëm të Netflix.

Sipas njoftimit të kryer nga Netflix, në platformë do të shtohen pesë lojëra të reja të cilat janë Stranger Things: 1984 dhe Stranger Things 3: The Game nga zhvilluesi BonusXP, Shooting Hoops dhe Teeter Up nga Frosty Pop dhe Card Blast nga Amuzo dhe Rouge Games. Këto lojëra duhet të shkarkohen pasi Netflix Games nuk është një shërbim streaming.

Netflix është shprehur se synon që të sjellë një lojë për këdo në platformën. Netflix Games do të jetë pjesë e abonimit normal të Netflix që do të thotë që nuk kërkon pagesë ose abonim ekstra. Momentalisht lojërat të vlefshme vetëm në Android dhe pritet që të vijnë në platforma të tjera së shpejti.