Netflix po përpiqet të rrisë ‘hype’-in e GTA 6

Për mjaft kohë, Grand Theft Auto 6 është përfolur të jetë në zhvillim, por ende nuk kemi një lajmërim zyrtar. Kjo nuk e ndaloi Netflix France të shkruante se Grand Theft Auto 6 po vjen së shpejti, duke konfirmuar më vonë se njoftimi ishte një shaka pa kripë. Ky njoftim bëri që shumë ndjekës të pyesnin pse platforma gjigande e transmetimit duhej të tërhiqte vëmendje me një shaka paksa të çuditshme.

GTA 6 ka marrë një mal thashethemesh dhe spekulimesh vetëm gjatë dy viteve të fundit, shumica e të cilave janë përpjekur të përcaktojnë vendndodhjen e lojës. Kjo besohej të ishte në vitet 1980 me një kthim të mundshëm në Vice City. Sidoqoftë, vetëm pak ditë më parë, një person i njohur dhe i brendshëm pretendoi se pjesët e reja të lojës do të vini me pamje nga kohët moderne.

Ajo që e bën njoftimin e Netflix akoma edhe më të çuditshëm është se llogaritë e mediave sociale të platformës zakonisht publikojnë shfaqjet dhe filmat e vetë platformës. Nuk duket se Netflix ka çfarë të fitojë duke publikuar përmbajtje të cilat nuk i ofron, jo më një produkt nga një industri krejtësisht ndryshme.

“Në thelb, GTA 6 po vjen së shpejti”- shkruan Netflix në Twiter. Kur u pyetën se sa shpejt do të ishte kjo, Netflix u përgjigj “Midis sot dhe fundit të botës, le të shohim”. Ishte një shkëmbim i çuditshëm që nuk dukej se kishte një qëllim të qartë.

“Prochainement” është një shaka nga llogaria e Netflix France, e ngjashme me thënien famëkeqe nga Blizzard “së shpejti”. Kurdoherë që dikush pyet kur do të dalë një film ose shfaqje e veçantë televizive, Netflix përgjigjet, “Prochainement” nëse nuk është vendosur akoma për një datë.

Thuhet se u bë kohë që po punohet për të sjellë GTA 6. Megjithatë Rockstar Games është shfaqur vetëm në publik për të njoftuar përditësime rreth përvojës ekzistuese GTA Online ose mbështetje të GTA 5 në konsolat e reja PlayStation 5 dhe Xbox Series X.

Zhvilluesi është i njohur për durimin e tij dhe kështu, njoftimi që të gjithë po presin do të mbërrijë vetëm kur zhvilluesi të mendojë se është koha e duhur. Nëse Rockstar Games vendos të ndjekë të njëjtën rrugë si GTA 5, GTA 6 së pari do të jetë e disponueshme për PlayStation 5 dhe Xbox dhe më pas për PC.