Para disa kohësh, Netflix zbuloi se kishte në plan që të sillte në platformën e saj industrinë e gaming dhe mesa duket një studio tjetër zhvilluese për video lojërat.
Në një njoftim të kryer së fundmi, Netflix ka njoftuar se ata para 4 muajsh filluan të sillnin lojërat e tyre të para mobile dhe tashmë ata dëshirojnë që të zgjerojnë katalogun e tyre të lojërave. Kjo gjë i ka shtyrë ata që të blejnë një studio tjetër zhvilluese e cila është Boss Fight Entertainment.
Today, we’re excited to announce that Boss Fight Entertainment is joining Netflix! https://t.co/6CWZWDNGqe
— Boss Fight (@BossFightEnt) March 24, 2022
Boss Fight Entertainment u themelua më 2013 nga David Rippy, Bill Jackson dhe Scott Winsett. Të tre krijuan këtë studio zhvilluese me qëllimin për të sjellë lojëra të thjeshta, të bukura dhe argëtuese për çdo lojtarë. Boss Fight Entertainment njihet për lojën e tyre Dungeon Boss.
Në shtator kompania njoftoi se do të blinte Night School Studio, zhvilluesin e lojës horror, thriller Oxenfree. Gjatë kësaj blerje, Netflix u shpreh se ata dëshironin studio të cilat fokusohen goxha tek storytelling në lojëra.
Disa kohë më vonë, shërbimi streaming Netflix lidhi një partnership me agjencinë e lojëra, RocketRide Games për të zgjeruar librarinë e tyre të lojërave.