Ja se si duket multiplayer i Halo Infinite

Më në fund loja më e fundit e serisë së famshme Halo rikthehet me një trailer të ri dhe më shumë detaje dhe kësaj here Halo prezanton gjithashtu edhe multiplayer e saj i cili na surprizoi pasi ishte falas.

Gjatë prezantimit të Halo Infinite, Xbox prezantoi edhe multiplayer e kësaj loje i cili do të jetë falas për të gjithë. Në versionin multiplayer të Halo, zhvilluesi i lojës, 343 Industries, u shpreh se do të përfshijë shumë veçori të lojërave të mëparshme të Halo dhe se gjithashtu do të sjellë Spartan Academy dhe Spartan Commander Laurette të cilët do t’i ndihmojnë lojtarët që të mësojnë hartat, armët dhe pajisjet.

Gjithashtu 343 Industries do të shtojë bots në Halo Infinite në mënyrë që lojtarët të bëjnë “warm up” përpara se ata të përballen me lojtarët e tjerë dhe do të sjellë edhe crossplay dhe cross-progression. Preview dhe demo të ndryshme të lojës do shfaqen gjatë verës.

Halo Infinite do të suportojë deri në 120 fps në Xbox Series X dhe do të ketë plot mekanika dhe veçori të reja në të. Loja pritet të dalë këtë vit për Xbox Series X|S, Xbox One dhe PC.