Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Digital Extremes po konsideron zgjerimin edhe në platforma të reja
Që prej lançimit në 2013, shooter-i free-to-play Warframe është zgjeruar vazhdimisht në platforma të reja dhe kjo gjë nuk duket se do të ndalojë. Jo vetëm që Warframe do të vijë në PS5 dhe Xbox Series X, por mesa duket loja do të lançohet edhe në mobile.
Leyou Technologies Holdings Limited, kompania mëmë e zhvilluesëve të Warframe Digital Extremes, zbuloi kohët e fundit raportin e tyre financiar. Shumica e 210 faqeve të raportit kanë të bëjnë me progresin e lojës gjatë vitit dhe planet e saj për të ardhmen, por në të gjendet edhe një deklaratë e presidentit të Leyou Xu Yiran që pranon se po konsiderohet një version në mobile i Warframe.
Në këtë deklaratë thuhet se ai ka folur publikisht disa herë për transferimin e lojërave nga PC dhe konsola në mobile, si dhe thuhet gjithashtu se edhe pse fokusi mbetet në këto platforma, po kërkohen mënyra për të integruar produkte së suksesshme në tregje të reja të fuqishme si ai i lojërave mobile.
Ky nuk është një konfrimim i plotë se Warframe në mobile është duke u zhvilluar, por me siguri që Leyou dhe Digital Extremes po e konsiderojnë këtë gjë. Duke parë suksesin e lojërave të tjera free-to-play në mobile si PUBG Mobile, Fortnite dhe Call of Duty: Mobile, nuk është aspak çudi që edhe Warframe të lançohet për këtë platformë. Megjithatë, tani për tani duhet vetëm të presim
