Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Edhe Kisha do të ketë serverin e saj
Kisha Katolike e Vatikanit ka planet e saj për të krijuar një server në Minecraft, duke ftuar lojtarët të vijnë dhe të shprehin veten e tyre në një mjedis më pak toksik se në vendet e tjera. Ideja, thotë prifti, është që lojtarët të krijojnë marrëdhënie me njëri-tjetrin, të cilat ai shpreson që të forcohen në jetën e vërtetë.
At Robert Ballecer është një prift Jezuit i cili filloi duke studiuar teknologji dhe inxhinieri në Silicon Valley, sipas një videoje të publikuar nga Rome Reports. Pasi u shugurua si prift, ai i vendosi vetes si qëllim të përdorte edukimin dhe eksperiencën e tij në teknologji për të ndihmuar drejtues të tjerë të kishës të lidheshin me më shumë njerëz.
Ai shpreson që serveri i Minecraft të jetë një prej rrugëve për të krijuar këto lidhje, si dhe një rrugë për njerëzit që të shohin se besimi i tyre mund të qëndrojë së bashku me interesat e tyre në gaming dhe teknologjinë moderne dhe madje këto aspekte mund të mbështesin njëra-tjetrën.
“Nuk është për teknologjinë dhe as për gaming në të vërtetë,” – thotë ai. “Është e gjitha për të sjellë njerëzit së bashku, që ata t’i kalojnë këto lidhje në jetën e vërtetë“.
Shikoni videon më poshtë:
“Në fillim, shumë njerëz hezituan,” – tha Ballecer. “Sepse ti shikon një njeri fetar që flet për prurjet më të reja të Google dhe se si fibrat kalojnë përmes Oqeanit Atlantik dhe thua me vete ‘prit një minutë, diçka këtu nuk shkon’. Por pas pak kohësh ata kuptuan që ‘prit, ai e di për çfarë po flet, thjesht është prift’. Kjo qe rruga që unë po ndiqja.”
Ideja e Ballecer për një server të Vatikanit në Minecraft duke filluar nga një sondazh në Twitter në gusht, ku pyeti ndjekësat e tij nëse do të preferonin një server në Rust, Ark, Team Fortress 2 ose Minecraft për të testuar një komunitet të Vatikanit në lojëra. Minecraft fitoi bindshëm me 64% të votave.
Do të duhet pak kohë derisa serveri të marrë vulën zyrtare të Vatikanit, por ndërkohë mund të futeni dhe të shikoni se ç’po ndodh në minecraft.digitaljesuit.com.
